REGEST MABILLE: Thétolon, doyen, et Robert, trésorier de Saint-Martin, donnent à main ferme à Gui, prêtre et grangier de St-Martin, deux aires sur la Choisille pour y construire des moulins, l’un près de Monnaie et l’autre proche Charcenai, plus quatre arpenis de terre sur les bords de la dite rivière, au village de la Molière. Ces moulins seront construits par Aucher, et les revenus partagés entre lui et Gui par moitié. Chacun d’eux paiera au Chapitre, à la Saint-Martin d’hiver, 16 deniers de cens. Gui aura la faculté avant de mourir de transmettre sa part des dits moulins à Foulque son neveu, à la condition de payer le cens ci-dessus fixé, et Aticher pourra donner la sienne à Robert, son seigneur. Que si Aucher mourait avant Gui, ce dernier jouirait de la totalité des events tant qu’il lui survivrait.
REGEST EDITION: Théotolon, doyen, et le chapitre de Saint-Martin donnent en main ferme à Gui Grangier de Saint-Martin deux aires de moulin sur la Choisille.
Datierung: MABILLE: 914 12 31; EDITION: 914 12 31
EDITION: Mabille, Emille: Les Invasions normandes dans la Loire et les pérégrinations du corps de saint Martin. Pièces justificatives. In: Bibliothèque de l’école des chartes, Tome 30, 1869. S. 454-455, Nr. 13.
In nomine summi Salvatoris die, nos quidem fratres gregis incliti confessoris christi beati Martini, Tetolo videlicet, sacerdos atque decanus et Robertus levita atque aedituus, manifestum fore cupimus successoribus nostris ac reliquis nostris confratribus, quoniam deprecatus est nos quidam venerabilis confrater noster, levita atque granicarius, Guido nomine, ut areas duas ad farinarios construendos, ex praefata sua propria obedientia, ex nostra videlicet generali fratrum granica, ad villam Medonnam pertinentes, unam earum scilicet quam domnus Adalmarus Sancti Martini advocatus, quandiu advixerit, non sine repetitione semper tenuit, sed praefatus Guido, post obitum ipsius domni Adalmari, super filium ejus domnum Hervicum quidem dominicum et similiter Sancti Martini advocatum, interveniente domno Roberto avunculo suo, et ipsius praefati Sancti Martini monasterii thesaurario, ad proelibatam suam obedientiam et ad opus fratrum evindicavit et alteram subtus ipsam positam, sitas in pago [Turonico], in villa vel circa villam Carcannacum, super fluvium Causillae, sibi et ipsi et cuidam venerabili viro nomine Archerio, qui illos inter se et ipsum Guidonem ad medietatem facturus erat, et de terra arabili ex cultura dominica ipsius obedientiae in villa Molinis, super ipsam Causillam, sita, arpennos quatuor per consensum fratrum, sub censuum institutione concederemus. Cujus deprecationem non irrationabilem, sed profectibus fratrum profuturam et commodam considerantes, concessimus eis, per consensum nostrorum ut diximus fratrum, praescriptas duas areas ad farinarios faciendos, et unicuique farinario, de praescriptis quatuor arpennis arpennes duos. Eo siquidem rationis ordine et tenore, ut postquam a solo Alcherio constructi fuerint, habeat ex ipsis farinariis atque arpennis, Guido granicarius unam medietatem et Archerius alteram, reddentes unusquisque ex sua medietate, ad missam sancti Martini hyemalem, censum denarios XVI., quod est simul denarii XXXII; et sic quamdiu advixerint, quieto illos ordine teneant et possideant. Guido vero, post suum discessum, suam medietatem Fulconi nepoti suo, confratri nostro acolito, sub praefixo censu dimittendi licenciam habeat, et Alcherius suam medietatem, domno Roberto seniori suo, post suum obitum similiter dimittendi licentiam habeat. Et si acciderit ut Alcherius primus moriatur, quicunque ex aliis caeteros supervixerit, ipsos duos farinarios solus quandiu advixerit, sub ipso censu integerrime possideat. Si vero ex instituto censu negligens quisquam aut tardus extiterit, id ipsum ei emendare liceat et quod tenuerit non amittat; sed post omnium ipsorum obitum, in jus et proprietatem revocentur fratrum. Ut autem haec manus firma pleniorem, in dei nomine, obtineat firmitatem et a nobis certius facta esse credatur, manibus propriis eam subscripsimus et fratres nostros subscribere rogavimus. Theotolo et decanus subscripsit. Guido levita et granicarius subscripsit. Ivo sacerdos et praecentor subscripsit.
Data est autem hujus manus firmae auctoritas, II kal. januarii, in civitate Turonis, in pleno fratrum capitulo, anno XVII, regnante domno Karolo gloriosissimo rege.
Ego Archanaldus gregis beati Martini canonicus et scholae primus, a praescriptis senioribus atque confratribus [rogatus] scripsi atque subscripsi.