REGEST MABILLE: Bernier, doyen, Farmannus, trésorier, et le chapitre de Saint-Martin donnent en précaire à la princesse Emma, fille du roi Robert et soeur de Hugues, abbé du dit lieu, la ville de Mons, avec sept églises et ses dépendances, situées dans le pays de Melun, que l’impératrice Judith avait jadis donnée aux chanoines, à la condition de dire certaines prières pour le repos de son âme. Cette précaire est faite moyennant 30 sols de cens et 60 sols de rente, affectés au luminaire, que la dite princesse paiera chaque année au chapitre, le jour anniversaire de la mort de l’impératrice Judith, à savoir le 19 avril ou bien à la Saint-Martin.
REGEST EDITION: Charta Bernerii decani, et Firmanni archiclavi S. Martini Montem villam sub annuo censu Immae reginae concedentium.
Datierung: MABILLE: 932 04 15; EDITION: 930
EDITION: Durand, Ursin und Edmond Martène (Hgg.): Thesaurus Novus Anecdotorum Tomus Primus, Paris 1717 (Thesaurus Novus Anecdotorum 1), Sp. 67-68.
In nomine Domini Dei et Salvatoris nostri Jesu-Christi. Nos enim fratres praeclarissimi confessoris Christi B. Martini post apostolos praecipui, Bernerius scilicet decanus atque Firmannus aedituus praecognitum atque manifestum esse volumus successoribus nostris, aliisque omnibus confratribus, quoniam expetiit nos egregius et venerabilis domnus Hugo abbas et senior noster, quatenus villam Montis nomine, quam quondam gloriosa imperatrix Judith ex propria dote sua nobis pro remedio animae suae ad quotidianos usus delegavit, pro cujus absolutione animae quotidie in festis diebus tres psalmos, videlicet, Deus misereatur nostri, et Inclina, Domine, aurem tuam, atque De profundis decantamus; quamque postmodum reges et apostolici per praecepta et privilegia nobis aeternaliter habendam confirmaverunt; gloriosae reginae domnae Imnae, domni Roberti regis filiae sorori suae, per nostrae auctoritatis testamentum diebus tantum vitae ipsius sub annuali censuum institutione concederemus: cujus petitionis imperium spernere nolentes, considerantes tantae reginae bonitatem, atque dapsilitatis erga nostrum profectum exhibitionem, concessimus ei per consensum fratrum, et praefati senioris nostri domni Hugonis praetitulatam cortem nostram nostrae propriae ditioni et usibus subjectam, Montem nomine, sitam in pago Melidunense, cum ecclesiiis VII. domibus, aedificiis, vineis, silvis, pratis, pascuis, aquis, aquarumve decursibus, farinariis, mobilibus et immobilibus, cum omnibus suprapositis, et mancipiis utriusque sexus desuper commanentibus, vel ad ipsam cortem pertinentibus, suisque omnibus aliis appenditiis, vel adjacentiis, et quidquid ad ipsum praedium adspicit vel pertinere videtur, cultum et incultum, quaesitum et ad inquirendum, totum et ad integrum, de jure nostro in potestatem praescriptae domnae Immae reginae tradimus atque transfundimus ad possidendum: eo siquidem tenore, ut promtissima voluntate ex omnibus praescriptis rebus studeat reddere annis singulis nobis vel successoribus nostris in usus fratrum in die obitus praedictae imperatricis, qui evenit XIII. Calendas Maii, aut in missa sancti Martini censum nobis solidorum XXX. et archiclavo S. Martini in usus luminum solidos X. et sic quamdiu advixerit, quieto illam ordine teneat atque possideat. Post suum quoque digressum cum omni emelioratione, sine alicujus expectata consignatione, in jus et dominium integerrime revocetur fratrum. Ut autem hujus nostrae auctoritatis testamentum a nobis certius factum esse credatur, et a successoribus nostris inviolabile conservetur, manibus propriis domnum Hugonem abbatem nostrum sub signo sanctae crucis ipsum firmantem vidimus, nostrisque manibus subscripsimus, et fratres nostros subscribere rogavimus.