REGEST MABILLE: Louis-le-Bègue fondé son anniversaire et celui de Charles- le-Chauve en donnant aux religieux de Saint-Martin la ville de Merlaut, dans le pays de Changy. Ce diplôme n’était que la répétition de celui porté déjà sous les n° LI et LIX, ainsi qu’il ressort des notes de Lesueur, n°50 et de dom Anselme LeMichel, Saint-Germ. Latin, n°1067.
REGEST EDITION: Dieses Regest ist nicht öffentlich zugänglich.
Datierung: MABILLE: 878; EDITION: 878 06 20
EDITION: Grat, Félix, Jacques de Font-Réaulx, Georges Tessier und Robert-Henri Bautier (Hgg.): Recueil des actes de Louis II le Bègue, Louis III et Carloman II rois de France (877-884), Paris 1978 (Chartes et diplômes relatifs à l’histoire de France 12), S. 28-33, Nr. 12.
In nomine Domini Dei aeterni et Salvatoris nostri Jhesu Christi. Hludovicus misericordia Dei rex. Si locis divinis cultibus mancipatis emolumentum nostrae largitatis impendimus, id nobis procul dubio ad presentem vitam facilius transigendam et ad aeternam felicius capessendam prodesse confidimus. Quocirca noverit omnium fidelium sanctae Dei Ecclesiae nostrorumque, presentium scilicet ac futurorum sollercia quia nos, divina inspiratione tacti ac de aeterna remuneratione solliciti, libuit celsitudini nostrae ob perpetuam mercedem domni genitoris nostri piae memoriae Karoli imperatoris augusti ac genitricis nostrae gloriosae videlicet reginae Hyrmindrudis, sed et nostri, ad basilicam sancti Martini sitam in suburbio Turonicae civitatis et ad ipsius ecclesiae canonicos, qui ejusdem beatissimi patris jugibus excubiis gloriosum venerantur templum et tumulum, quasdam res et mancipia nostrae proprietatis delegare ac perpetualiter eidem loco et predictis fratribus in proprium conferre, id est villam nostram Merlaum sitam in pago Camsiacinse super fluvium Vigeram cum omnibus appendiciis et integritatibus suis ac decimis quę in usus cedentur hospitalis nobilium atque pauperum. Unde hoc nostrae altitudinis preceptum fieri jussimus ac super sepulchrum ipsius sanctissimi patris manu propria posuimus, quatinus eandem villam cum omnibus ad se pertinentibus, sicut hic insertum esse cognoscitur, ipsi fratres ad supplenda eorum victus necessaria perpetuis temporibus teneant atque possideant, nemine inquietante. Volumus etiam ut jam dicti fratres, diebus dum advixerimus, diem nativitatis nostrae, quae est kl. novembris, et diem unctionis nostrae qua per misericordiam Dei in regio culmine sublimati sumus, id est VI idus decembris, refectione sibi ex predictis rebus parata, annis singulis observent, et, sicut dictum est, pro genitore et genitrice nostra ac fratribus nostris, Karolo scilicet et Karlomanno, sed et nobis conjugęque ac prole vigiliis et missarum sollemniis ex more celebratis Domini misericordiam cordetenus implorent, nobis vero Deo propitio ad meliora migrantibus, diem obitus nostri annis singulis similiter observare ac pro nobis Dei omnipotentis clementiam exorare non negligant. Ut autem nostrae donationis auctoritas firmior habeatur et futuris temporibus ab omnibus diligentius observetur, manu propria subter eam firmavimus et anuli nostri impressione assignari jussimus. Petimus etiam ut memoriam Hlotharii fratris nostri similiter habere non negligant.
Signum Hludovici gloriosissimi regis.
Vulfardus notarius ad vicem Gozleni recognovit et s..
Datum XII kl. julii, indictione XI, anno I regni domni Hludovici gloriosissimi regis. Actum Turonis monasterio sancti Martini. In Dei nomine feliciter. Amen.