REGEST MABILLE: Charles-le-Chauve, sur la demande des chanoines de St-Martin leur confirme la possession de la ville de Courçay, située en Poitou et de ce qu’ils possédaient dans la ville de Retz, qui lui servait de port. Il accorde à tout chanoine le pouvoir de léguer à sa mort sa maison à celui de ses confrères qui lui conviendra, sans que l’abbé, le doyen ou le prévôt puisse y faire opposition et fait de nouveau défense aux gens de sa suite ou à tout laic d’exiger aucun droit de gîte dans le monastère lorsque lui ou ses successeurs viendront prier au tombeau de St-Martin.
REGEST EDITION: Dieses Regest ist nicht öffentlich zugänglich.
Datierung: MABILLE: 845 01 05; EDITION: 844 01 05, 845 01 05
EDITION: Tessier, Georges (Hg.): Recueil des actes de Charles II le Chauve, Roi de France. Tome 1, Paris 1943 (Chartes et diplômes relatifs a l’histoire de France 8), S. 177-180, Nr. 62.
In nomine Domini et Salvatoris nostri Jesu Christi. Karolus gratia Dei rex. Cum justis petitionibus sacerdotum servorumque Dei quas nostris auribus innotuerint libenter annuerimus et eas cum Dei auxilio ad effectum pervenire fecerimus, non solum regiam consuetudinem exercemus, verum etiam hoc nobis procul dubio tam ad statum terreni regni corroborandum quam ad aeternae vitae beatitudinem capessendam profuturum esse confidimus. Quocirca notum fieri volumus omnibus fidelibus sanctae Dei Ecclesiae, praesentibus scilicet et futuris, quia venerabilis congregatio beati Martini, peculiaris patroni nostri, adiit dignitatem excellentiae nostrae, petens supplex, pro honore Domini nostri Jesu Christi et amore sancti Martini patroni nostri sive salute animae [nostrae], ut sublimitas mansuetudinis largitatis nostrae dignaretur eis regali auctoritate praeceptionis perpetuae confirmare Curciacum villam, necnon, si dies vocationis alicui ex fratribus evenerit, mansionem quam habet cui voluerit tantum ex fratribus derelinquere possit, atque in adventu cujuslibet regis nullus ex suis hominibus in monasterio mansionem accipere praesumat. Nos quoque, salubri suggestione permoti simul et interventu venerabilium virorum ad hoc perficiendum commoniti, hoc nostrae auctoritatis praeceptum fieri ac dare decrevimus, per quod constituimus perenniterque firmum decernimus villam Curciacum cum omni integritate suisque adjacentiis, sitam in pago Pictavo, et medium factum in villa Resti ad ea deponenda quae exierunt de Curciaco villa, eisdem fratribus, quam olim genitor meus piae recordationis, domnus Hludowicus, ad habendum capas concesserat; similiter, si quando alicui ex fratribus dies migrationis ex hoc saeculo evenerit, mansionem quam ipse fecit aut quoquo modo habet, cui libuerit tantum ex fratribus derelinquere queat sine aliqua contradictione abbatis ejusdem temporis aut praepositi vel certe decani; insuper etiam, quando quilibet rex ad limina beati Martini venerit orandi gratia moramque quamlibet ibi fecerit, nullus ex ejus hominibus in eodem monasterio mansionem alicujus fratris accipiat licentiamque accipiendi habeat, nec quilibet laicus in eodem monasterio mansionem habere possit, quatinus ipsi servi Dei melius liberiusque Deo famulari queant, sicut tempore genitoris mei necnon avi caeterorumque regum sine impedimento hujus molestiae fecere; sed haec omnia in honore loci et cumulum mercedis nostrae, pro amore Dei et reverentia sancti Martini per hanc nostrae praeceptionis auctoritatem more praecedentium firma et stabilia sine mutatione aliqua, Deo opitulante, omni tempore permanere valeant. Unde monemus omnes obnixe supplici voce qui nobis in regno a Deo commisso successuri sunt ut, sicut illorum statuta a suis successoribus conservari velint, ita in omnibus hanc nostri praecepti institutionem immutabiliter perpetuis temporibus conservare studeant ad illorum et nostram communem utilitatem seu salutem. Et ut hoc praeceptum nostrae auctoritatis firmius habeatur veriusque a nobis credatur editum ac per futura melius conservatum tempora, propria manu subter insignivimus et anulo nostro insigniri jussimus.
Signum Karoli gloriosissimi regis.
Bartholomaeus notarius ad vicem Hludowici recognovit et subscripsit.
Data nonas januarii, anno quinto regnante domno Karolo gloriosissimo rege, indictione septima. Actum Turonis, in monasterio sancti Martini. In Dei nomine feliciter. Amen.