La Pancarte Noire de Saint-Martin de Tours, brûlée en 1793, restituée d’après les textes imprimés et manuscrits, Nr. 39
(EDITION: Bautier, Recueil Eudes, S. 147-150, Nr. 34.)
REGEST MABILLE: Le roi Eudes, à la prière du comte Robert, son frère, donne à son fidèle Ebolus et à sa postérité l’alleu de Vontes, situé dans la comté de Touraine qui, par la négligence de son ancien possesseur, était tombé dans le domaine du fisc. Cet alleu est donné avec toutes ses dépendances et avec les serfs qui l’habitent.
REGEST EDITION: Dieses Regest ist nicht öffentlich zugänglich.
Datierung: MABILLE: 893 10 15; EDITION: 893 10 15
EDITION: Bautier, Robert-Henri (Hg.): Recueil des actes d’Eudes roi de France (888-898), Paris 1967 (Chartes et diplômes relatifs à l’histoire de France 11), S. 147-150, Nr. 34.
In nomine Domini Dei aeterni et Salvatoris nostri Jhesu Xpisti. Odo clementia Dei rex. Si fidelium nostrorum petitionibus aurem celsitudinis nostrae accomodamus, eorum animos nostris utilitatibus et rei publicae necessitatibus reddimus promtiores. Quocirca omnibus sanctae Dei Ecclesiae fidelibus et nostris, presentibus scilicet atque futuris, notum esse volumus quoniam placuit serenitati nostrae, ad deprecationem Rotberti, fratris nostri illustrisque comitis et marchionis, quendam alterum fidelem nostrum nomine Ebalum de rebus nostrae proprietatis honorare et sublimare. Quae siquidem res sunt sitae in comitatu Turonicensi, vocabulo [Tarconnus] quae olim pro neglegentia cujusdam eas possidentis in fiscum sunt versae et est mansus unus. Has itaque predictas res cum mancipiis, vineis, campis, pratis, silvis, aquis aquarumque decursibus, exitibus et regressibus, jam dicto et Ebalo et infantibus ejus omnique posteritati illius regio more largimur et ad habendum concedimus, ea ratione ut abhinc ex his sicut ex reliquis suae proprietatis rebus libero in faciendo potiatur arbitrio. Ut autem hujus nostrae largitionis concessio pleniorem, in Dei nomine, obtineat firmitatis vigorem, manus nostrae roboratione eam subscribentes, anuli nostri impressione jussimus insigniri.
Signum Odonis gloriosissimi regis.
Arnulfus notarius ad vicem Adalgarii archicancellarii re[gno]vit et s.
Data idibus octobris, anno sexto regnante Odone gloriosissimo rege. Actum apud Sanctum Dyonisium. In Dei nomine. Amen.