REGEST MABILLE: Pepin, roi d’Aquitaine, à la demande de l’abbé Fridegise, fait rentrer en la possession des chanoines de Saint-Martin la villa de Marcillat, située en Auvergne, dans la viguerie de Clermont. Cette villa avait été jadis donnée en précaire à Erladus, sénéchal du roi Louis-le-Débonnaire. Celui-ci étant mort, la terre revient à Saint-Martin, et Pepin déclare qu’étant affectée à la manse des chanoines, elle ne pourra plus à l’avenir en être distraite.
REGEST EDITION: Pépin Ier, à la requête de Fridigisus, abbé de Saint-Martin de Tours, lui concède sa protection et l’immunité pour la « villa » de Marsat, sise dans le « pagus » d’Auvergne-et-Turluron et dans la viguerie de Clermont, dont il confirme la tranquille et perpétuelle possession aux recteurs et aux prieurs de Saint-Martin pour subvenir à l’habillement des frères, après leur avoir rendu cette « villa », selon les instructions de son père, l’empereur Louis le Pieux, obtenues par ledit abbé, à la mort d’Erlaldus, sénéchal de l’émpereur qui l’avait reçue à cens de l’abbé Iterius et à titre viager de l’abbé Alcuinus à la demande de Louis le Pieux.
Datierung: MABILLE: 828 03 10; EDITION: 828 03 10
EDITION: Prou, Maurice (Hg.): Recueil des actes de Pépin Ier et de Pépin II rois d’Aquitaine (814-848), Paris 1926 (Chartes et diplômes relatifs a l’histoire de France 8), S. 31-37, Nr. 10.
Pippinus, gratia Dei rex Aquitanorum. Noverit omnium fidelium nostrorum, praesentium scilicet et futurorum, sollertia quia Fridigisus, vir venerabilis, abba et rector ecclesiae beatissimi Martini, patroni videlicet nostri, suggessit serenitati genitoris nostri domni Hludowici serenissimi augusti pro quadam villa, nomine Marciagus, quae est in pago Arvernico ac Tolornensi, in vicaria Claromontensi, sita, quae dudum a quibusdam fidelibus per cartulam cessionis memoratae ecclesiae specialiter ad vestimenta fratrum conlata fuerat, quam etiam Iterius quondam abba Erlaldo, ejusdem genitoris nostri seniscalco, per ejus petitionem, ea conditione ut annuatim exinde censum persolveret, concesserat et quam postea domnus Alcuinus, successor ipsius, ejusdem monasterii rector, similiter ad petitionem genitoris nostri praedicto Erialdo sub eodem censu per scriptum habere permiserat, eo modo ut post decessum illius absque ulla interpellatione aut alicujus contradictione memorata villa cum omnibus appendiciis et rebus sibi pleniter aspicientibus in ditionem praefatae ecclesiae inmeliorata restitueretur, obsecrans ut ejus consueta pietas efficeret quatenus propter hanc occasionem, id est, quia tamdiu per petitionem ejus fuerat sub censu in beneficio habita, ne aliquando possit a potestate ipsius monasterii subtrahi. Cujus suggestioni genitor noster libenter annuens praecepit nobis ut jam dictae res post decessum memorati Erlaldi per illius et nostram auctoritatem secundum praescriptam conditionem in potestatem sancti Martini reducerentur. Sed, dum haec agerentur, saepedictus Erlaldus finem vivendi fecit, et nos praedictas res per missos nostros ad partem sancti Martini coram multis, sicuti et factum est, reddere jussimus. Sed superius nominatus Fridigisus abba petiit celsitudini nostrae ut pro firmitatis studio nostram praeceptionem super hoc ei fieri juberemus, per quam omnes occasiones quae a malivolis hujus rei gratia obici poterant in futurum penitus excluderentur et ipsae res absque alicujus contradictione subtractioneve aut deminoratione in ditionem beati Martini nostris et futuris temporibus sub nostrae tuitionis defensione et immunitatis auctoritate sicut caeterae res ejusdem ecclesiae inrefragabiliter possiderentur. Praecipientes ergo jubemus ut nullus ex fidelibus sanctae Dei ecclesiae et nostris, praesentibus scilicet et futuris, de praedictis rebus aliquam inquietudinem aut contrarietatem rectoribus beati Martini aut earum procuratoribus facere praesumat, sed liceat eas per hoc nostrae confirmationis et auctoritatis praeceptum sub genitoris nostri et nostra ac successorum, Deo annuente, nostrorum per futura tempora pleniter absque alicujus contrarietate ad supplendas in vestimentis fratrum ibidem degentium necessitates quiete ac perpetim possidere. Nullus etiam minister publicus aut quilibet judiciaria potestate praedictus ad causas ibidem audiendas ingredi aut freda exigenda vel tributa seu mansionaticos aut paratas vel ullas redibitiones exigere aut accipere praesumat, sed quicquid de saepedictis rebus exigi aut haberi poterit, totum propter emolumentum animae nostrae ad vestimenta fratrum ornanda per hanc nostrae confirmationis auctoritatem pleniter cedat. Et ut haec a fidelibus sanctae Dei ecclesiae et nostris verius credatur, diligentius conservetur, manu propria subter firmavimus et anuli nostri impressione signari jussimus.
Signum Pippini regis.
Saxbodus diaconus ad vicem Aldrici recognovi et s.
Data VI idus martii, anno XV imperii domni Hludowici serenissimi augusti et XIIII regni nostri. Actum in Aquisgrani palatio. In Dei nomine, feliciter. Amen.