REGEST MABILLE: Charles-le-Chauve, à la demande de Hugues, son parent, abbé de Saint-Martin de Tours et de Chablis en Bourgogne, où repose présentement le corps de saint Martin, ratifie et confirme l’échange fait entre les dits monastères de saint Martin et de Chablis, d’une part, et l’abbesse et les religieuses de Saint-Julien d’Auxerre, de l’autre, de biens situés dans le pays et la viguerie de Tonnerre, au village d’Athée, que le dit Charles-le-Chauve avait jadis donnés aux dits religieux (Dipl. de 867) contre d’autres biens situés dans le même pays.
REGEST EDITION: Dieses Regest ist nicht öffentlich zugänglich.
Datierung: MABILLE: 877 07 12; EDITION: 877 07 12
EDITION: Tessier, Georges (Hg.): Recueil des actes de Charles II le Chauve, Roi de France. Tome 2, Paris 1952 (Chartes et diplômes relatifs a l’histoire de France 8), S. 477-479, Nr. 437.
In nomine sancte et individue Trinitatis. Karolus omnipotentis Dei misericordia imperator augustus. Si commoditates ac necessitudines locorum divinis cultibus mancipatorum servorumque Dei in eisdem locis degentium sagaciter providemus, imperialis precellentie opera frequentamus ac per hoc facilius nos eterne beatitudinis gloriam adepturos procul dubio confidimus et auxilium superne pietatis ob id nobis ad presentem vitam felicius transigendam et ad futuram [obtinendam] nullatenus ambigimus. Igitur notum sit omnibus sancte Dei Ecclesie fidelibus nostrisque, presentibus atque futuris, quia quidam reverendus cenobii basilice sancti Martini, eximii confessoris Christi, simulque Capleiensis monasterii, quo corporaliter ad presens ejusdem venerandum corpus quiescit, Hugo abbas, noster fidelis atque propinquus, innotuit celsitudini nostre quasdam qualiter res prelibati sancti Martini, una cum consensu canonicorum, quas largitate nostre benignitatis olim eidem sancto confessori sibique canonicis famulantibus per preceptum dedimus, sitas in pago Tornadrinse, in eadem vicaria, in villa Atteias et Eroia sitas, partibus sancti Juliani atque ejusdem abbatis earundem sanctaemonialium dederant suo assensu, utrique gregi sibi commisso, invicem beneficia oportuna caritative prebenti, largiendo commutandi facultatem, et, pro eisdem, in ipso pago, in confinio Comisiacinse, res sancti Juliani acceperant in potestatem sancti Martini, videlicet quantumcumque in predicto loco ejusdem sancti Juliani possessio adjacet in terris, silvis, cultis et incultis, exitibus ac perviis, super qua re petiit preceptum imperialis nostre dignitatis fieri, quatenus prelibata commutatio perpetuis temporibus inviolabilis absque alicujus remotione permanere integerrime valeat. Cujus petitionem admodum aptam cognoscentes, imperialis preceptum dignitatis fieri jussimus, per quod decernimus atque jure firmissimo roboramus ut queque inter se commutaverunt auctoritate hujus imperialis precepti nostri inconvulsa omni tempore habeantur, ita ut quicquid pars parti tradidit et serie scripturarum communi beneficio inter se confirmaverunt ac corroborata habentur, inrefragabiliter teneantur atque possideantur, scilicet venerandus Hugo abba et canonici monasterii sancti Martini Capleiensis faciant ex hoc quod acceperunt libere, sicut ex aliis ejusdem monasterii rebus, similiter prelibatus abba Hugo et pars sancti Juliani ejusdemque monasterii sanctimonialium rector eodem tenore faciant sicut ex aliis ejusdem sancti rebus. Et ut hec auctoritas inviolabilem obtineat effectum ac firmior per futura [tempora] habeatur, anuli nostri impressione eandem jussimus sigillari.
<Signum Karoli gloriosissimi regis et imperatoris.>
Audacher notarius ad vicem Gauzlini recognovit.
Data IIII idus julii, indictione X, anno XXXVIII regni domni Karoli imperatoris in Francia et imperii ejus II. Actum Pontione palatio imperiali. In Dei nomine feliciter. Amen.