REGEST MABILLE: Louis-le-Bègue, à la demande de l’abbé Hugues, son parent, confirme les chânoines de Saint-Martin dans la possession de Chablis et de Melecey, qui leur avaient été donnés par Charles-le-Chauve, son père, pour leur servir de lieux de refuge, à la condition de prier Dieu pour lui et pour le repos de l’âme de sa mère, Judith, de Mellaut, que lui-mème avait donné aux chanoines pour subvenir à leurs nécessités pressantes et de Nogent en Othe, donné au monastère par le comte Eudes. Nonseulement le roi confirme les chanoines dans la possession de ces villae, mais encore il renouvelle en leur faveur les priviléges et exemptions accordées par les rois ses prédécesseurs du droit de gîte dans le cloître, des droits de justice, tonlieu, juridiction laïque ou exaction quelconque ; veut particulièrement que les biens affectés à la manse des chanoines demeurent francs et exempts de toute charge publique, qu’aucun officier royal n’entreprenne sur les droits des chanoines et que nul ne soit si hardi que de forcer les hommes de Saint-Martin, serfs ou libres, à lui servir de fidéjusseurs ; fait remise aux chanoines, pour subvenir aux frais du luminaire, de toutes les contributions qui pourraient revenir au fisc et veut que les hôpitaux des pauvres et des nobles touchent régulièrement les dimeset les nones de tous les revenus du chapitre, tant des biens donnés en bénéfice que de ceux reservés à la manse des chanoines.
REGEST EDITION: Dieses Regest ist nicht öffentlich zugänglich.
Datierung: MABILLE: 878 09 05; EDITION: 878 09 05
EDITION: Grat, Félix, Jacques de Font-Réaulx, Georges Tessier und Robert-Henri Bautier (Hgg.): Recueil des actes de Louis II le Bègue, Louis III et Carloman II rois de France (877-884), Paris 1978 (Chartes et diplômes relatifs à l’histoire de France 12), S. 40-46, Nr. 15.
In nomine Domini Dei aeterni et Salvatoris nostri Jesu Christi Hludovicus misericordia Dei rex. Si petitionibus servorum Dei pro quibuslibet ecclesiasticis necessitatibus aures nostras pulsantium libenter annuimus et ad divine potentie in locis Deo dicatis ecclesiasticis uberius famulandum auxilium porrigimus, id nobis procul dubio et ad mortalem vitam temporaliter deducendam et ad futuram feliciter obtinendam commodum provenire confidimus. Igitur notum esse volumus cunctis sancte Dei Ecclesie fidelibus et nostris, scilicet presentibus atque futuris, quia adiit serenitatem culminis nostri venerandus vir, noster quoque propinquus, Hugo, religiosus abba basilice eximii confessoris Christi beati Martini in suburbio Turonice civitatis site, reverenter poscens ut res quas pie recordationis genitor noster domnus Karolus quondam imperator augustus, videlicet Capleiam et Miliciacum villam, ob amorem Dei et sancti Martini reverentiam fratribus ad confugium pro remedio anime sue ac genitricis sue domnae Judith quondam auguste dederat suique auctoritate praecepti corroboraverat, sicut et nuper nos villam nostram Merlaum prona devotione obtulimus, in necessitatibus fratrum habendas cum omnibus sibi rebus pertinentibus, et Novientum villam quam Odo comes per licentiam genitoris nostri fratribus contulit, denuo more regio pro mercede communi omnium nostrum nostreque conjugis ac prolis perpetuo mansuras absque minoratione vel subtractione aliqua corroboraremus; quod si etiam monasterium in predictis rebus vel alicubi pro infestatione paganorum vel malignorum hominum construere eisdem fratribus libuerit aut necesse extiterit, nostra largitate concederemus absque inquietudine more solito permanendum, nec cuiquam fidelium nostrorum in mansionibus clericorum absque eorum voluntate manendi licentiam concedamus, etiam si nostra adfuerit praesentia. Insuper etiam addidit supplicando ut monasterium sancti Martini cum omnibus rebus sibi pertinentibus de more parentum, regum videlicet predecessorum nostrorum, sub nostre immunitatis tuitione ac deffensionis munimine recipere dignaremur, assensum prebendo ut, sicut tempore avi nostri domni Hludovici quondam augusti seu etiam pie recordationis domni et genitoris nostri Karoli serenissimi imperatoris, res ejusdem sancti Martini in Austria, Niustria, Burgundia, Aquitania, Provincia, Germania, Italia et in ceteris regni, Christo largiente, nostri partibus consistentes, que non solum a regibus et a piissimo avo nostro Hludovico atque a genitore nostro domno Karolo, ut diximus, seu a nobis atque ab orthodoxis principibus, verum etiam a ceteris fidelibus conlatae vel per quaelibet contractus et munimina cartarum in jus ejusdem sancti Martini tradite sunt, quieto jure in ditione ac regimine abbatum suorumque praepositorum ac decanorum fideliumque fratrum Deo devote famulantium ordinatum extiterit, ita et nostris temporibus sub nostre immunitatis deffensione consistere et ab omni publica functione ac judiciaria exactione immunes liberasque decernere dignaremur. Cujus petitioni nobis valde saluberrime ac profuture ob amorem Dei et reverentiam prelibati peculiaris patroni nostri domni Martini libenter assensum prebere nobis usquequaque libuit. Quapropter volumus atque decernimus ut jam dicte ville communi nostra mercede ad supplementum seu confugium fratrum conlatae cum aliis villis jam pridem eorum stipendiis ac vestimentis deputatis et in precepto domni et genitoris nostri nominatim cum Lirado et Martiniaco expressis simulque cum reliquis facultatibus omnium rerum prelibati sancti Martini sub nostre deffensionis munimine modis omnibus consistant. Precipientes ergo jubemus atque precipimus ut nullus judex publicus aut quilibet superioris aut inferioris ordinis rei publice procurator ad causas judiciario more audiendas in ecclesias aut villas seu reliquas possessiones quas moderno vel priscis temporibus in quibuslibet provinciis aut territoriis regni nostri juste vel legaliter tenet vel deinceps in jure ipsius basilice divina pietas augeri voluerit, ingredi presumat, nec freda aut tributa aut mansiones aut paratas aut teloneum ex ullis negociis, sicut in precepto domni et genitoris nostri ceterorumque regum continetur, exigere aut fidejussores tollere, aut homines tam ingenuos quam servos super terram ipsius basilice commanentes distringere, vel ullas publicas functiones aut redibitiones vel inlicitas occasiones requirere quibus nostris futurisque temporibus quisquam tam temerarius existat qui id faciendi inlicitam sibi potestatem attribuere audeat. Quicquid ergo de predictis rebus beato Martino devote conlatis vel sibi pertinentibus in jus fisci cedendum fuit et a decessoribus nostris comperimus conlatum nostre que largitatis munere, libenter volumus esse per immensum eidem sancto Martino suisque servientibus canonicis concessum, ut id remoto fisci dominatu ad luminaria basilice sancti Martini concinnanda et ad sustentationem pauperum seu clericorum Deo et sancto Martino deservientium sit supplementum. Volumus etiam ac decernimus ut, sicut in precepto domni et genitoris nostri continetur, decime et none dominicalium rerum, scilicet tam ex dominicatis villis quam etiam ex villis in beneficio datis, hospitali nobilium atque pauperum deputate habeantur. Si quis autem in tantam prorumpere ausus fuerit audaciam hujus precepti nostri violator extiterit, quemadmodum in preceptione domni et genitoris nostri continetur, non solum in offensam nostram lapsurum, verum etiam sexcentorum solidorum auri ad purum excocti se noverit pena multandum, ex qua duas partes rectores monasterii sancti Martini, tertiam vero jus fisci recipiat. Decernimus itaque ut remota totius judiciarie potestatis inquietudine quieto ordine memoratus abba suique successores res predicti sancti Martini cum omnibus sibi subjectis vel ad se aspicientibus vel pertinentibus hominibus sub immunitatis nostreque protectionis defensione consistant. Si quid vero de predicti sancti rebus per tepiditatem et negligentiam abbatum aut ministrorum seu presumptionem judicum cupiditatemve malorum hominum injuste abstractum est, id per hanc nostram auctoritatem prorsus restaurandum precipimus, corroborantes denuo panchartam super omnibus rebus sancti Martini pro munimine omnium cartarum a genitore nostro conlatam. Et ut hec auctoritas inviolabilem obtineat effectum et a fidelibus sancte Dei Ecclesie et nostris verius credatur ac diligentius conservetur, manu propria subter firmavimus et anuli nostri impressione signari jussimus.
Signum Hludovici gloriosissimi regis.
Vulfardus notarius ad vicem Gozleni recognovit et subscripsit.
Datum non. septembr., indictione XI, anno I regni domni Hludovici gloriosissimi regis. Actum Trecas civitate. In Dei nomine feliciter. Amen.