Wicfrids, Chorbischof zu Trier, Precarie mit dem Domcapitel über Leiningen
Datierung: 967
In nomine sanctae et individuae trinitatis. Quisquis benivola mente pro divino intuitu quiddam suarum rerum iure precario delegaverit non solum in presenti transitoriam recompensationem sed etiam in futuro perpetuam procul dubio mercedem recipiet. Quod ego inrnerito levita vvicfridus mente pertractans facta conventione cum domno deoderico treuirorum praestantissimo archiepiscopo et cum ceteris fratribus deo inibi canonicae militantibus dedi per manus advocati mei liuthardi et fratris ad sanctum altare s. mariae in civitate treuerensi et ad prebendam fratrum quorum et ego spiritalis frater existo de rebus proprietatis meae in pago muslense in marcha burense in comitatu bedensi mansum indominicatum cum ecclesia et cum aliis mansis servilibus XXX VI cum mancipiis utriusque sexus terris cultis et incultis vineis molendinis pratis pascuis silvis aquis aquarumue decursibus uiis et inuiis exitibus et regressibus et quicquid ibi proprietatis habui legali traditione affirmavi. Siquidem in harum recumpensatione rerum sub pretextu precariae accepi ab altare s. mariae ex prebenda fratrum per manus archiepiscopi et eius advocati huodilberti in eodem pago et comitatu in villa lending nomine curtem indominicatam cum ecclesia et mansis L cum mancipiis ad eam pertinentibus utriusque sexus terris cultis et incultis pratis pascuis molendinis vineis aquis aquarumue decursibus silvis viis et inviis exitibus et regressibus cum omnibus appendiciis eo videlicet racionis tenore quatinus ego vuicfridus easdem res teneam usu fructuario possideam omnibus diebus vitae meae et per singulos annos supra memoratis in solemnitate s petri memorandum censum videlicet j libram nummorum persolvam Precor itaque supradictus uuicfrid ut nullus heredum meorum ante dictas res iure precario adquirere possit sed post discessum meum ad partem et dommationem s mariae et fratrum utrumque datum scilicet acceptum redeat et in eorum deinceps maneat potestate. Ut autem hec precaria secundum suprascriptam conditionem firma et stabilis tranqvilla quietitudine consistat manu propria subter eam firmavi manibusque amicorum meorum roboravi. Signum domni deoderici archi episcopi ad vicem sui qui hoc testamentum fieri iussit.
Signum tiedonis corepiscopi
Signum etiam mei uuicfridi corepiscopi
Signum sigeberti prepositi et corepiscopi
Signum reineri corepiscopi
Signum tangradi ( comitis ?)
Signum liuthardi (comitis?)
Signum delli
Signum huodilberti advocatis
Signum tiecilini
Signum dudini
Signum pe
Signum anl
Signum aderoldi decani
Signum gelfridi cellerarii
Signum grimmanni cantoris
Signum sigibodonis
Signum geisonis
Signum hildradi
Signum folradi
Signum uuerenfridi
Signum amandi
Signum helprici
Anno dominice incarnationis DCCCCLXVII indictione X anno regni domni Ottonis imperatoris augusti XXXI imperii vero V anno episcopatus domni deoderici II; actum in ecclesia s mariae publice.