Ego Rainaldus, Insulae Jheremiae dominus, notum fieri volo presentibus et futuris presens scriptum inspecturis, quod predecessores mei quoddam annuale prandium a monachis Maioris Monasterii de Pereio non satis iuste extorserunt, et diu non sine peccato tenuerunt, domumque ipsam in expensis prandii, sine suo profectu graviter aflixerunt. Ego vero periculum animae meae intuens, et ipsorum assensu et consilio patris mei Rotberti et fratris mei Gauffridi, necnon uxoris meae Alienor, sororum, consanguineorum et amicorum meorum, ipsum prandium predictis monachis Maioris Monasterii predictis monachis Maioris Monasterii, pro animabus predecessorum meorum, patrisque et matris meae, et pro me ipso dedi, concessi et quitavi Deo et Beato Martino et conventui in perpetuam elemosinam, ut domus ipsa de Pereio a tanto gravamine deinceps Iibera permaneret, et ne ulterius ad illud prandium temere me aspirare liceret, iuramento super altare Beatri Petri firmavi me nunquam illud ulterius repetiturum, nec aliquis de genere meo; hoc mecum pariter iuraverunt Gauffridus de Pereio et Jacquelinus gener eius. Monachi vero benevolentiam meam intuentes, me, assensu capituli, in communi beneficio totius ecclesiae receperunt, et animas predecessorum meorum absolventes, patri meo et nobis filiis suis quingentos solidos contulerunt, et domum ipsam a prandio liberam conservatam; ne igitur aliquis de genere meo iterum ad illud prandium aspirare tentaret, presentem cartam in testimonio iam dictae elemosinae scribi feci, et contra huius facti calumpniantes sigillum meum apposui, et nomina testium qui interfuerunt annotare precepi. Huius rei igitur testes sunt: Durandus, magister prior qui hoc opus perfecit – Hugo prior de Lanceio – Buchardus prior de Loncummes – Paganus prior de Pereio – Guillelmus prior de Auricasa – Galterius carnotensis – Grosset prior de Insula Jheremiae – Radulfus capellanus de Ler .... – Gauffridus de Pereio – Herveus et Gauffridus filii eius – Odo, etca ... et alii pluses.