Foucher de Vendôme, dit le Riche, donne à Marmoutier, pour l’entretien des moines de Lavardin, quarante arpens de terre de son alleu de Nyoches, situé à environ quatre milles au sud du château de Vendôme, avec un moulin sur la rivière de Lande, et toutes ses dépendances, tant en terres que pescheries.
Datierung: 1118
Universis presentes litteras inspecturis, ego Fulcherius de Vindocino, cognomento Richus, divinitatis amore compunctus, pro anime mee remedio, dedi Sancto Martino Maioris Monasterii ad usum scilicet monachorum omnipotenti Deo in prioratu Sancti Martini de Lavarzino degentium, quemdam in pago vindocinensi ........ quatuor fere milibus ab ipso castro vindocinensi a parte australi situm, alodium qui Nyochas vocatur. Do etiam eodem Sancto et dictis monachis, de terra quam iuxta eumdem alodium habeo, arpenta circiter quadraginta et molendinum in aqua de Landa, iuxta dictum alodium, cum omnibus suis pertinentiis, tam in terris quam piscariis in dicta aqua, sicut eatenus possedi, ea videlicet ratione quod dicti monachi de Lavarzino libere et quiete ea possideant eterna hereditate, nihil pro ipsis ........ consuetudinis census aut alterius persolventes. Ut vero hec donatio certiorem habeat firmitatem, sigillum nostrum presentibus apponi fecimus, die undecima mensis maii, anno incarnationis dominice millesimo centesimo decimo octavo, in presentia Groaldi prepositi Capellae vindocinensis – Gauterii presbiteri Sancti Martini de Landa – Archembaudi presbiteri Sancti Leobini de Landa – Reginaldi castellani de Vindocino – Foqueti bastardi, nepotis mei – Odonis servi mei – Radulphi prioris de Lavarzino – Hugonis monachi.