Le chevalier Herbert Barba, du consentement de sa femme et de ses fils, et pour le repos de son âme et de celle de ses parents, fait don à Dieu et à Saint-Martin de tout ce qu’il avait dans l’église de Pray, en Vendômois. Agnès de Vendôme, y ajoute, du consentement gratuit de ses filles, l’autel avec les offrandes, le cimetière, la sépulture et la tierce partie de toutes les dîmes de l’église. Les fils de Domitille, récemment décédée, achètent de Saint-Martin ainsi que d’Herbert et d’Agnès, avec le consentement de leurs enfants, une terre contiguë audit cimetière, pour l’obédience de Pray que les moines devaient construire, le tout avec l’autorisation de Lanscelin de Vendôme, du fief de qui dépendait l’église.
Datierung: 1101
In nomine summe et individue Trinitatis, Patris et Filii et Spiritus Sancti, Nos monachi scilicet Maioris Monasterii, quod Beatus ipse Martinus et fundavit et abbatiam esse instituit, quod etiam ipse lacrimis propriis et orationibus vigiliis quoque et ieiuniis crebris sanctificavit, indicamus presenti scripto, tam futuris quam presentibus, quod anno ab incarnatione Domini Mo Co Io, dedit in elemosinam Deo et Beato Martino atque nobis miles quidam Herbertus nomine, cognomento vero Barba, concedentibus uxore sua Hersende et quatuor filiis Chotardo, Rotberto,Guillelmo, Rainaldo, pro suis parentumque suorum animabus, per manum fratrum nostrorum domni scilicet Bernardi panetarii nostri, cognomento Flagelli, domnique Stephani, cognomento Ridelli, tunc obedientie Beziaci prepositi, quicquid habebat in ecclesia parrechie Perediaci, site in pago Vindocinensi. Cum quo et Agnes de Vindocino, que tantumdem habebat in ecclesia ipsa et in omnibus ad eam pertinentibus redditibus quantum memoratus Herbertus Barba cognominatus, concessit nobis apud Vindocinum, una cum ipso, gratanter, annuentibus filiabus suis Elisabeth, Aia et Christiana, totum ex integro eius altare, cum omnibus prorsus oblationibus suis, cum tota ecclesia ipsa et cymiterium totum, cum sepultura sua tota, et cum tertia parte universarum decimationum ad ecclesiam ipsam pertinentium, a quibus, Herberto scilicet atque Agnete, emerunt Deo et Beato Martino atque nobis terram quandam circa cimiterium ipsum iacentem et ad eandem ecclesiam pertinentem filii Domitelle, que ante paucos menses obierat, Fulcherius scilicet et Gaufredus, cognomento Paganus, datis pro ea centum solidis vindocinensis monete, concedentibus universis liberis eorum, Herberti videlicet atque Agnetis, quorum nomina superius descripta sunt. Quod pro anima matris suo Domitille fecerunt, ad obedientie Perediaci a nobis, Deo volente, construende, augmentum; que omnia dona vel emptionem concessit vel auctorizavit Lanscelinus de Vindocino filius ............ apud ipsum castrum, de cuius feodo ecclesia ipsa erat, et de quo ille Herbertus scilicet atque Agnes eam tenebant. Quorum omnium testes sunt: Ex parte Herberti, Orricus bocellus et frater eius Hilgodus – Hubertus de Villapresbiteria – Guillelmus prepositus – Rainaldus Hiricius. Ex parte vero Agnetis: Hugo Cumpedibus – Hugo Pullus – Arnulfus filius Tetbaldi – Gaurinus de Adiaco – Mainerius panerius – Martinus Malusfinis – Hugo de Cuschereiaco – Odo Buinellus – Paganus de Nuziliaco – Herveus cellararius Domitille – Ex parte autem Lanscelini,Guesferius filius Gaufredi Britonis – Fulcherius de Ferreria – Buamundus – Christianus homo Lancelini – Bernardus filius Drogonis filii Fulberti – Harduinus bibens burdum. Ex parte vero Beati Martini et nostra, Rotbertus archidiaconus – Gaufredus nepos eius – Gaufredus decanus – Gaufredus Paganus et filii sui – Bartholomeus – Ingelbaldus – Wlgrinus – Gaufredus – Fulcherius frater Gaufredi Pagani – Arnulfus crassus – Martinus – Buiardus filius eius – Herveus filius Buiardi – Gausmarus – Landricus filius eius.