Rahier, fils de Garin, chanoine de Saint-Georges de Vendôme, vend à Marmoutier pour trois livres de deniers, une terre de deux bœufs proche Naveil-lès-Vendôme, du consentement d’Odon, d’Adelade sa femme, sœur du vendeur, et de leurs quatre fils, ainsi que de ses deux autres sœurs et des fils de l’une d’elles, qui reçoivent à cet effet des sommes diverses. Cette terre est libre de toute redevance sinon deux sols et deux deniers de cens.
Datierung: 1050-1063
Nosse debebitis, si qui eritis posteri nostri Maioris scilicet huius habitatores Monasterii Sancti Martini, Raherium filium Guarini, canonicum sancti Georgii vindocinensis, vendidisse nobis sub regimine nunc agentibus domni abbatis Alberti, terram ad duos boves, in Vindocinensi territorio sitam, apud villam scilicet Navolium nuncupatam. Emitque eam domnus Fulcodius noster item monachus, Buziaci prepositus, frater domni Adelardi nostri nichilominus monachus, libris denariorum III existente precio, faventibus universis de quorum reclamatione poterat esse, suspicio hoc est Odone clerico, Adelade uxore eius, sorore prefati Raherii clerici qui hanc de qua loquimur terram vendidit, et Guarino, Raherio, Simeone, atque Odone, filiis eiusdem Odonis, nepotibus scilicet Raherii, Hadvisa quoque sorore ipsius, uxore Fulberti Truselli cum filiis suis Petro et Nihardo, et alia nichilominus sorore Raherii nomine Alsende, quorum singuli, alii quidem plus, alii minus pretii pro suo acceperunt auctoramento, non amplius tamen omnes quam solidos III. Est autem eadem terra ab omnium hominum omnimoda redibitione vel exactione liberrima, preter II solidorum et II denariorum censum qui ex ea solvitur ad festum Sancti Baptiste Iohannis. Testes affuerunt hii: Fulco Vindocinensis comes – Archembaldus prepositus – Ingelbaldus Brito – Gauscelinus Bodellus – Fulcradus filius Gauscelini bastardi – Constantinus presbyter – Frodo de Sancto Victore – Chotardus nepos Hildeberti monachi – Hugo Passa pictavinos – Burchardus frater eius – Hubertus presbyter.