Hildiarde, femme de Foucher, ayant acheté de Guismand, au profit de Saint-Martin, un moulin à la Chappe, Emeline, femme de Guismand, et ses fils reçoivent pour leur consentement une pelisse de quarante sols et cent sols de monnaie, et son frère Gislebert une once d’or. Les fils d’Hildiarde donnent le leur gratis, mais son neveu Arnulfe reçoit pour le sien quarante sols et Lancelin de Beaugency vingt. Après la mort d’Hildiarde, les moines, victimes des violences du fils de Guismand pour un droit qu’ils lui avaient concédé sur ce moulin, lui rachètent ce droit pour six sols de deniers.
Datierung: Um 1050
Notum fiat nostrorum posteritati successorum quod Hildiardis, uxor Fulcherii de Vindocino emit unum molendinum, in Ledo fluvio, in loco qui dicitur „ad Cappam” situm, ad opus Sancti Martini Maioris Monasterii, de quodam homine Guismando nomine, annuante uxore sua nomine Emelina, que habuit ob hoc primo, pelliciam XLta solidorum, postea C solidos et filio eorum favente Guismando nomine, nec non Gisleberto fratre Emeline qui accepit ob hoc unam auri unciam. Filii quoque predicte Hildiardis, Fulcherius scilicet et Wulgrinus, gratis hoc annuerunt. Arnulfus vero nepos eius pro auctoramento XLta solidos accepit, et Lancelinus de Balgenciaco XXti solidos pro eo quod auctorisavit. Persuasit deinde Hildiardis monachis Maioris Monasterii ut facerent homines de terra sua videlicet Buziaco portare annonas suas ad ipsum molendinum. Illa vero mortua, remansit consuetudo ista, et cepit Guismandus Guismandi filius habere partem emolumenti de molendino predicto, et monachi similiter partem habebant in alio quodam illius molendino. Si quis ergo de hominibus Sancti Martini iret ad aliud aliquod molendinum nisi ad unum istorum, diripiebat bona eius, et sub hac occasionne multa mala faciebat hominibus Sancti Martini. Quapropter dederunt illi monachi Maioris Monasterii VI libras denariorum ut nec acciperet partem de molendino eorum, nec homines illorum cogeret ire nisi ad quod vellent molendinum. Quod ille se facturum promisit et insuper huius rei fideiussores dedit, videlicet: Ingelbaldum de Vindocino – Gislebertum, qui tenebat molendini censum – Odonem decanum – David vicarium – Rogerium Piperaturam – Acfridum hominem suum, ut isti emendent Sancti Martini monachis X libras, si deinceps habuerint de hac re calumniam. Testes horum isti sunt: Ingelbaldus Brito – Gauscelinus Bodellus – Guillelmus Bucellus – David vicarius – Otbertus filius Sevine – Randanus, Morandus, Giraldus, Andreas homines Sancti Martini – Frogerius mulnerius.