Fulbert, évêque de Chartres, ayant autorisé des moines de Marmoutier à faire l’acquisition de l’église de Naveil du chevalier Hilgod, qui la tenait de lui, ceux-ci rachètent les droits qu’avaient sur cette église le vassal Robert, ses fils et leur mère; après quoi, ils en auront la libre et tranquille possession.
Datierung: 1007-1029
In nomine somme et individue Trinitatis, Fulbertus, non quidem meis meritis, sed gratia proveniente Redemptoris Carnotanus episcopus, notum fieri volumus omnibus coepiscopis nostris, presbyteris, diaconibus seu cunctis utriusque ordinis clericorum scilicet ac monachorum, tam presentibus quam futuris per ventura tempora succedentibus, qualiter monachi Sancti Martini Maioris Monasterii nostram adierunt presentiam, humiliter deprecantes, ut ob amorem Dei omnipotentis et Sancte Marie eius genitricis, simulque iam dicti confessoris Martini quondam ecclesiam Navoil nomine, ad altare Sancte ac Beatissime Virginis Marie pertinentem, eis emere emptamque possidere imperpetuum concederemus. Quod ita fecimus, Hilgodio milite, cui de nostro beneficio pertinere videtur, assensum prebente. Coemunt ergo eam et non minimo precio in posterum sibi vindicant ab Rotberto quodam vassallo et a duobus filiis eius Arnulfo et Rotberto et matre eorum, qui eandem ecclesiam de Walterio filio Hamelini tenent. Sub cuius iussu et assensu Sancti Martini monachis venali conditione de reliquo habendam concedunt. Habent itaque nunc et tenent, et absque ulla inquietudine alicuius episcopi seu alicuius hominis ab hodierna die et deinceps, monachi Deo ac Sancto Martino inibi famulantes prefatam ecclesiam et quicquid ad eam pertinere videtur secure teneant atque possideant. Consistit autem hec ecclesia in pago Vindocinensi haud lonle ab ipso castro seposita.
Nomina vero testium, qui ad hoc audiendum producti fuerunt, inferius annotata continentur: Teodericus capicerius – Rainaldus vicedominus – Sigo precentor – Alcherius Dives – Hildegarius Pupilla – Girardus Bodellus – Giroius – Gauslinus.