None
Datierung: 1032-1064
Notum sit universis successoribus nostris quod quidam homo Raimbertus nomine, de Monte Tealdi, nepos Godefredi de Secheneio, libero genere ortus, cum nichil karius haberet quod omnipotenti Deo offerre potuisset, semetipsum pro ejus amore Sancto Martino Majoris Monasterii, in domni Alberti abbatis praesentia, tradidit in servum; ea videlicet ratione, ut non solum ipse, verum etiam omnis ex eo jam forte nata seu nascitura progenies, omnibus diebus vitae suae abbati Majoris Monasterii et fratribus ejusdem loci servili conditione serviat. Et ut haec traditio certior et evidentior appareret, pro recognitione servi IIIIor denarios super caput proprium ponens, semetipsum omnipotenti Deo taliter obtulit. Testes hujus rei sunt hii: Isembardus frater ejusdem Raimberti; Rotbertus presbiter; Rainaldus pistor; Arnulfus sartor; Tetbaldus piscionarius; Gualterius pistor; Michael Rufus; Ursus.