None
Datierung: 1113
In hoc rotulo continentur hi qui ab anno incarnationis dominicae (MCXIII), ipse est annus concordiae, II. regis Anglorum, cum F. Andegavensi comite, recognoscentes se servos beati Martini, recognita sua dederunt; alii in capitulo, alii in cellario, alii diversis locis prout unicuique assignabimus.Gauterius ramarius, et Roaldus furnarius dederunt recognita sua domno abbati W. in capitulo: quod viderunt et audierunt Hubertus Guimundellus, cujus filiam Gauterius ipse habit uxorem, Arnulfus et Dancellinus cellerarii.Hildeardis uxor Vuillelmi majoris de Ponte, veniens in capitulum, dedit similiter recognitum suum domno abbati W. videntibus istis: Arnuldfo cellerario, Huberto cellerario et Avelina uxore sua.Hugo Pilatus dedit recognitum suum in cellerario, domno abbati W., quod viderunt: Guido filius Huberti cellerarii, Paganus camerarius, Gaufredus Marcha Vitulum qui prestavit ei ipsos denarius.Due etiam mulieres sorores ad invicem et eodem nomine vocate. Renoldis scilicet maiorissa, uxor Bellihominis, et alia Renoldis, Poisila cognonime, uxor Pagani de Lavariaco, qui etiam mariti ad hoc ipsum eas adduxerant, dederunt recognita sua domno abbati W. ad capellam, videntibus et audientibus predictis maritis suis; et Rainaldo Russello patre earum, qui habuit unum ex denariis, et Helgoto Parvo, qui et ipse unum de nummis habuit; et Willelmo maiore de Ponte qui habuit tercium denarium; Pagano etiam Beliardo et Petro Burdone.Alia vero mulier, Odelina nomine, uxor Richardi de Lalo, et ipsa in capitulum veniens, dedit recognitum suum domno abbati W. quod viderunt hi: Odo de Fontanis qui eam adduxerat; Hubertus cellerarius, Rotbertus Maltalant.Rogerius etiam faber et ipse in cellarium veniens, dedit ibi domno abbati W. recognitionem suam quod homo noster esset, quod viderunt pariter et audierunt: Sancelinus et Arnulfus cellararii, Paganus camerarius et Willelmus major de Ponte, Petrus Guitons et Lisiardus Bona Mater.Uxor quoque Achardi filia scilicet Mainardi Bovarii, et ipsa in capitulo recognitum suum dedit domno Willelmo priori tunc capitulum tenenti, ubi fuerunt atque viderunt: Hubertus cellararius, et Odo de Fontanis qui eam adduxerat.Gauterius Aonius prima die quadragesime, quando distribuntur fratribus libri, venit in capitulum et in presentia domni W. abbatis, recognovit se esse hominem nostrum per testimonium Adelardi de Parciaco quem secum adduxit. Hoc viderunt et audierunt Arnulfus cellararius, Constantius cocus, Bernardus de Campo Cardonis, Bernardus ostiarius, Hubertus Archat.Quidam homo de Fonte Merlandi, Odo nomine, venit in capitulum nostrum quem adduxit domnus Gaufredus ejusdem obedientiae prior, et positis IIIIor denariis super caput ejus concessit se hominem esse nostrum, quos denarios suscepit de super ejus caput domnus Odo prior claustri tunc presidens capitulo. Hoc autem viderunt et audierunt: Vitalis paraster ejusdem Odonis, David Burgevin, Arnulfus cellararius, Benedictus de Murnaio, Algerius famulus prioris Villae Berfodi, Olgerius Bruchart, Arnulfus coccus. Sciendum est quod inibi concessa est eidem Odoni quedam vinea, sed inde reddet omnes consuetudines.