None
Datierung: 1053-1064
Nosse debebitis, si qui eritis posteri nostri Majoris scilicet hujus habitatores Monasterii Sancti Martini, Hubertum filium Avesgaudi de Vindocino, vendidisse XLV solidis, per manum Hildegarii elemosinarii monachi nostri, Sancto Martino et nobis, quendam sui juris colibertum, Petrum nomine, cognomento Bonardinum, filium Gausberti vicarii de Monte Laudiaco, et auctorizasse hoc uxorem ejusdem Huberti Tescelinam, et Gaufredum utrorumque filium; res quoque illius omnes quas tunc habebat, et fructum ex se natum vel nasciturum, jam enim Ilsindem et Mariam genuerat, matremque suam vocabulo Engrismam, ejusdem precii quantitate, cum eo pariter vendidisse, Hamelino fratre Huberti et Bartholomeo Turonensi archiepiscopo de cujus casamento Hubertus eum tenebat, favorabilem ad hoc praebentibus assensum. Qui colibertus, ut a Deo vera mereretur libertate donari, semetipsum pro ejus amore Sancto Martino in servum tali pacto tradidit, ut non solum ipse, verum etiam omnis ejus posteritas, per succedentia secula, abbatibus hujus loci et caeteris fratribus servili conditione subjaceat et famuletur. Et ut haec ejus spontanea traditio certior et ab ipso facta appareret, IIIIor denarios, ut est consuetudinis, super caput proprium posuit, et sic se Deo Sanctoque Martino perpetuo serviendum obtulit. Acta sunt autem haec et firmata, sub domno Alberto abbate tunc nostro, testibus istis: Aurando fratre ejusdem coliberti; Firmato avunculo ejus; Stephano Michaele preposito Huberti; Girardo armigero ejus; Adelardo homine ejus; Godefredo de Rupibus; Guanilone filio Hugonis Balbi; Gaufredo filio Rainaldi Jeusae; Arnulfo Plenteit; Rainaldo Burgundione; Ainrico de Falgeriis; Hilgodo, Guarnerio et Otgerio famulis de elemosina; Durando forestario; Michaele Rufo; Thoma fratre ejus; Fulcodio tunc priore nostro, qui IIIIor denarios, quos colibertus capiti proprio pro recognitione imposuerat, tulit. Auctoramentum vero jam dictae Tescelinae uxoris Huberti, quae pro hoc VI denarios accepit, cum filius ejus eadem causa III acciperet, factum est testibus istis: Gualterio Hilgodi, Rotberto pellitario, Ainardo bucherio, Otgerio sutore, Guarino de Balnessa, Tetberto fratre ejus, Tealdo piscatore, Gausberto de Falgerolis, Stephano presbitero de Monte Laudiaco. De auctoramento Hamelini fratris Huberti pro quo accepit VII solidos: Lisoio de Rupibus, Berengerio filio ejus, Hugone filio Tedasii, Guillelmo filio Ascelini vicarii de Castello Rainaldi, Aremberto vicario, Herveo de Monedaco, Otgerio famulo de elemosina, Herveo sartore, Gualterio ejus genero.