Charte de Rotrou, archevêque de Rouen, ratifiant la rénonciation de Galeran du Pin. [Biens situés au Pin]
Datierung: 1165-1183
Rotrocus Dei gracia Rothomagensis archiepiscopus omnibus ad quos presentes littere pervenerint salutem. Memorialibus litterarum notis commendata malignancium calumpnias minus perhorrescunt et racionabiliter decisa recindi non poterunt scriptura renitente. Ea propter decisionem controversie que vertebatur inter monachos Sancti Martini Majoris Monasterii et Galerannum de Pinu super ecclesia Sancti Audoeni de Pinu scipture curavimus commendari. Nam cum super jure patronatus ecclesie jamdicte prenominati monachi et jamdictus miles ad invicem litigarent, eorum controversia per appellacionem ad Summum Pontificem est delata; cujus cognicionem et decisionem experiencie nostre Summus Pontifex delegavit, que pluries et aliquandiu in auditorio nostro ventilata in hunc modum sopita conquievit : ad diem quem ultimum parti prefixeramus utrique, sepedicti monchi sui nobis presenciam fecerunt, cum quibus quidam sacerdos loco jamdicti Galeranni pariter accessit, qui nobis est viva voce testificatus sue querele jamdictum Galerannum renunciasse, cui renunciacioni, in sui presencia facte astantibus viris venerabilibus et fidedignis, nobilis comitissa Perticensis sua perhibuit scriptura testimonium. Et ut hoc ratum et stabile permaneat presenti scripto et sigilli nostri munimine confirmamus. Se quidem idem Galerannus significavit nobis suis litteris in predicta ecclesia nil juris habuisse vel habere.