Lettre de M… comtesse du Perche à Rotrou archevêque de Rouen, lui notifiant la renonciation de Galeran du Pin à ses prétentions au droit de présentation de cette église. [Biens situés au Pin]
Datierung: 1165-1183
Rotroco Die gracia Rothomagensi archiepiscopo domino et patri suo reverentissimo M… comitissa Perticensis salutem omnimodam. Notum sit vobis, pater sanctissime, et indubitanter teneatis quod Galerannus de Pinu, in presencia, comitis Perticensis et nostra constitutus, renunciavit querele que orta fuerat inter eum et monachos Majoris Monasterii et priorem Belismensem, super presentacione sacerdotis in ecclesia de Pinu institutendi, et se nichil juris amodo petitureum in predicta presentacione, fide data in manu comitis et nostra, firmavit, recognoscens presentacionem pertinere de jure ad abbatem Majoris Monasterii et priorem Belismensem et eos super hoc injuste inquietasse, existente ibidem Roullando Belismense priore gratam et ratam habente prefatam renunciacionem ad opus sui et Majoris-Monasterii, convocatis ad hoc testibus R…archidiacone Ebroicense et H…vicario, Roberto de Corjon, Hugone de Corseraud et multis aliis. Valete.