Notice d’une donation faite aux religieux de Marmoutiers par Geoffroy, fils de Lambert de Braival, de 18 deniers de cens qu’ils lui devaient, chacun an, sur un certain moulin. [Union de Saint-Léonard et de Saint-Martin]
Datierung: 1124-1137
Pateat omnibus, maxime nostris presentibus et futuris quod quidam miles de Belismo, Gaufredus nomine, filius Lamberti de Braival, in capitulum nostrum aliquando veniens, beneficii nostr, se participem fieri postulavit. Quod postquam accepit Dei amorei et anime sue mercede, decem et octo denarios Cenomanenses census nobis donavit atque concessit, quos ei monachi nostri pro quodam molendino et aliis que ab eo tenebant persolvebant, singulis annis. Hoc dono cum quadam virga domnum abbatem investivit eamdemque postea super altare posuit audientibus et videntibus istis : Ex parte sua: Buchardo, Enjelbaldo Herbranno ; e nostris : Christiano, Martino utrisque de Hospicio et Gaufredulo Nannetensi. Affuit et Adam de Buri, qui in ipso capitulo nobis quamdam decimam dedit. Actum est hoc tempore Odonis Abbatis, Bernardo domni Belismensi presidente.