Bulle d’Alexandre III, qui confirme à l’abbé de Marmoutier le droit de juridiction ecclésiastique sur les paroisses dépendantes du prieuré de Bellême. [Union de Saint-Léonard et de Saint-Martin]
Datierung: 1178 28 10
Ausstellungsort: Rome
Alexander episcopus servus servorum Dei dilectis filiis Herberto abbati et capitulo Majoris Monasterii salutem et apostolicam benedictionem. Quum ex pastorali officio nobis divina dignatione commisso specialius nobis incumbit paci ecclesiarum providere et quieti, et non solum contentiones in eis suscitatas ad regulam equitatis componere, verum etiam ne suscitentur, quacumque de causa, omni cautela providere, religiosum et salubre ducimus vos divine intuitu caritatis et nostre pacis et quietis intuitu, quos sincere dilectionis affectu complectimur, ecclesias, que ad vos ex prioratu Belismensi spectare dignoscuntur, ipsam scilicet ecclesiam Sancti Leonardi de Bellismo, ecclesias Sancti Salvatoris et Sancti Petri de Bellismo, ecclesiam Sancti Petri de Oriniaco, ecclesiam Sancte Marie de Belenviler, ecclesiam Sancti Audoeni de Pinu, ecclesiam Sancte Marie de Veteri Castro, ecclesiam Sancti Martini de Veteri Bellismo, ecclesiam Sancti Audoeni de Curia, ecclesiam Sancte Marie de Cortiolt, ecclesiam Sancti Martini de Corto Loonardo, ecclesiam Sancti Mauricii de Yvriaco, ecclesiam Sancti Jovini de Danceio, ecclesiam Sancti Petri de Capella Soeph, universas has ecclesias cum omnibus appendiciis suis, et earumdem presentationes, ecclesie vestre Bellismensi et vobis Majoris Monasterii monachis, absolute in perpetuum possidendas, benigne concedimus ; et ne deinceps super hiis omnibus aut earum qualibet aliqua ratione cujuslibet presumptione molestemini, vel cujuscumque calumpniam incurratis, eas vobis auctoritate apostolica confirmantes earum confirmationem presentis scripti patrocinio communimus. Statuentes ut nulli omnino hominum liceat hunc paginam nostre confirmationis infringere vel ei aliquatenus contraire. Si quis autem hoc attemptare presumpserit, indignationem omnipotentis Dei et beatorum Petri et Pauli apostolorum se noverit incursurum. Datum Laterani anno ab incarnatione Domini Mmo Cmo LXXmo VIIII, Vo Kal. novembris.