In tempore Guillelmi, abbatis Beati Martini Majoris monasterii, monachi de Torciaco: Thomas prior et Andreas presbiter et monachus et Guillelmus emerunt terram juxta ripam fluvii de Durri, secundum divisionem eorum qui adfuerunt de Radulpho Fulberti, de uxore Gandeberti Fabri, pretio triginta solidorum, ita quod unusquisque in eadem terra de nummis partem suam habuit, utrorumque filiis et filiabus benigne concedentibus. Censiva hujus terre decem et octo denariorum est reddenda prefecto Radulphi communiter in eadem terra ad festivitatem de Nativitate sancti Johannis Baptiste. Hanc terram concessit Radulphus et uxor Gandoberti ecclesie Torcice in perpetuam elemosinam cum charitate supradicta. Haec autem conventio diu fuit in contentione pro duobus solidis quod nolebant de censiva monachi tribuere, sed filius Radulphi moriens rogavit patrem suum per sacerdotem cui confessus est quod sex nummos de censiva monachis dimitteret, quod a patre concessum est. Quamobrem filius ejus et Gandobertus in beneficio monachorum scripti sunt. Hii qui divisionem faciunt sunt hii: Radulphus, filius Fulberti, et Robertus, prefectus ejus, et uxor Radulphi Haris et Annetis, uxor Gandoberti, et filii ejus Andreas et Guillelmus et gener Radulphi Ingelrandus. Et alii qui adfuerunt sequuntur: Odorophus, Gaufredus de Torciaco, Hulgotus de Tosce et uxor ejus et Guido, filius Christislud, Guillelmus dives, Albericus et soror ejus Hildeburgis et mater eorum, Albertus, filius Joscelini, Radulphus de Mancinniaco, Richardus de Ponto, Exmenerius, filius Benedicti, Johannes Oriolus, Christianus carpentarius, Otgerius, filius ejus, Elno Durandus, et Robertus, frater ejus, Petrus pintor, Blanchardus Both…, Pelletarius. Adfirmatus est in foro Malestabule ante filios Radulfi. Hii sunt testes Guido de Cortevallen, Guillelmus de Merlet, Loffredus de Corteparent, Odorinus Herveus de Monteforti, Girardus Boteferri, Vitalis presbiter, prior Sancti Serenici, Johannes et Aimericus.