Donation par Bouchard de Crapon de l’église de Torcé avec ses revenus, de deux manses de terre et de trois arpents de pré.
Datierung: 1080
Notum sit fratribus hujus Majoris monasterii habitatoribus quod Burchardus, filius Fulcherii de Craponnio, dedit nobis, pro anima patris sui et matris sue et pro animabus fratrum suorum et pro ipsius anima, ecclesiam de Torciaco; decimam quoque ipsius ecclesie et sepulturam et panem et candelam et alias consuetudines que pertinent ad illam ecclesiam donavit nobis, sicut ipse eas tenuerat, cum duabus mansuris terre et duobus arpennis prati. Hanc eleemosynam Burchardi auctorizavit Hamelinus, frater ejus, in curte Huberti, vicecomitis, apud Bellum Montem ubi etiam affuerunt Gaufredus de Meduana, et Galterius, filius ejus, de cujus fevo erat jam dicta ecclesia, qui pariter pro animabus suis concesserunt Deo et sancto Martino donum quod fecerat nobis Burchardus, audientibus et videntibus istis: Gaufredo vicecomite, Guillelmo de Doscela et Rotberto, fratre ejus, Isemberto Bardolo, Hugone de Mota, Pichardo de Carta, Galterio de Aluia, Gaufredo de Raun, Gausfredo de Vesoth, Rotberto Rufo, Lamberto, Rainardo Guireto, Gauscelino Panceth, Hamelino, filio Richerii.