Accord entre le prieur de Saint-Célerin et Dreux des Essarts, aux termes duquel ce dernier abandonne ses prétentions sur certains héritages, sis près du bourg de Saint-Célerin, moyennant 16 livres angevines et la terre de Riolé.
Datierung: 1137-1155
Ad notitiam successorum nostrorum nos monachi Beati Martini Majoris monasterii literarum vivacitati dignum duximus commendare quod Drogo de Essarciis et Paganus de Braietello, qui ejusdem Drogonis sororem in uxorem duxerat, quasdam terras juxta burgum Sancti Serenici sitas monachis Sancti Serenici calumniabantur. Pro hac igitur prorsus dimittenda calumnia, Petrus de Rupeforti, obedientie Sancti Serenici tunc temporis prior, praefato Pagano ad quem maxime ex parte uxoris suae hujusmodi respiciebat calumnia XVI libras andegavensium et terram de Rioleio in concordiam dedit. Et ut hec concordia majorem in perpetuum obtineret firmitatem, utraque pars prior scilicet et milites in capitulum Majoris monasterii venerunt omnemque supradictam calumniam supradicti milites dimiserunt terrasque praenominatas monachis in perpetuum concesserunt. Domnus autem Guarnerius totius assensu capituli terram de Rioleio Pagano de Braietello in concordiam concessit.