Exemption par Mahaut d’Alluye, femme de Geoffroy de Mayenne, en faveur des religieux de Marmoutier, du droit de travers pour toutes leurs denrées passant par Montmirail et Brou.
Datierung: 1070
Nosse debebitis [qui futuri estis posteri nostri] quod Mahildis, filia Gualterii de Aloia, uxor tunc Gauzfredi de Meduana, veniens ad locum istum scilicet Majus monasterium Sancti Martini Turonensis receptaque a nobis in participationem benefacti, orationum et eleemosynarum que in hoc loco fiunt, donavit nobis ut quecumque res dominica sancti Martini et nostra transierit per castella sua, hoc est Montem mirabilem et Braioum, nullum solvat pedagium aut aliam consuetudinem, sed nec illi homines qui de aliis patriis venerint cum rebus suis ad manendum in terra nostra de Capella Guillelmi. Si quid etiam sui homines dederint nobis quod ipsa debeat auctorizare, ita tunc auctorizavit totum, ut pro hoc nemo ultra suum debeat expetere auctoramentum. Fecit hec annuentibus filiis suis et filiabus, hoc est Guillelmo, Hamelino, Walterio, Hildeburga, Richelda, Hersinde, testibus istis Hugone de Braietello, Guidone de Braietello, homine ejus, Guidone de Montemirabili, Ivone Caisnello. [Achardo filio Oherberti, Rodulfo... vo, Herveo Rebolato, Airardo de Buslou,... uxore ejus; de famulis nostris Ingrannus, Isembertus frater ejus, Walterius de Fontaneto, Airardus filius Bernardi de Lo[ra]torio, Arnulfus filius Rainerii, Durandus Risellus, Ernaldus sartor, Rotbertus sartor, Erveus frater ejus, Rodbertus capellanus, Giraldus frater Gualterii pistoris, Giraldus de Fontaneto].