Confirmation par le pape Alexandre III de l’accord intervenu entre Marmoutier et Bellebranche au sujet de la perception et du partage des dîmes.
Datierung: 27 01 1177
Alexander, episcopus, servus servorum Dei, dilectis filiis... abbati et capitulo Majoris monasterii salutem et apostolicam benedictionem. Cum velimus paci et quieti vester paterna sollicitudine providere non immerito satagendum nobis est et studendum ne super his que sunt compositione vel judicio terminata possitis in posterum indebite molestari. Ea propter, dilecti in Domino filii, vestris justis postulationibus annuentes, compositionem quam cum abbate de Bellabrancha super quibusdam decimis fecisse noscimini, sicut de libero et spontaneo assensu partium sine pravitate facta est et in authentico scripto utriusque monasterii continetur, ratam habemus et firman eamque auctoritate apostolica confirmamus et presentis scripti patrocinio communimus, statuentes ut nulli, etc. Datum Syponti, VI kalendas februarii.