Accord entre les religieux de Marmoutier et les moines de Bellebrance pour le partage des dîmes.
Datierung: 1166-1176
Noverint presentes et futuri monachos Majoris monasterii querelam intendisse adversus monachos Bellebranche super decimis suis annone et vini quas monachi Bellebranche minus debito tempore transacto eis reddiderunt. De qua querela ego Robertus, Majoris monasterii minister humilis, et ego Hamelinus, Oratorii abbas, sed et ego Robertus, abbas Bellebranche, communi capitulorum abbatiarum nostrarum assensu et sagacium virorum industria taliter composuimus. In omnibus locis in quibus monachi Majoris monasterii habent modo et deinceps habebunt decimas, si monachi Bellebranche dono aut emptione terras adepti fuerint, et de eis quas modo tenent due partes decime, que post novenarium numerum recta decima evenerint, tam annone quam vindemie, monachorum Majoris monasterii erunt, tertia parte monachis Bellebranche pacis quietudine et amoris gratia dimissa. Contra... privilegia etiam apostilica interrumpere vel per succedentia tempora temerare, et si aliqua impossibilitate famulis monachorum Majoris monasterii computationi decimarum non licuerit interesse, in omnibus illis tam annone quam vini legitimus numerus a fratribus Bellebranche eis teneatur.