Abandon par Mathieu de Dansé de 4 sous de cens à lui dus sur Belnoe.
Datierung: 1160
Quoniam, etc. Mattheus de Danceio IIII solidos census de Bellanoda quos reddebant monachi Sancti Nicolai die sancti Johannis Baptiste, ipsis pro sua antecessorumque suorum animabus solutos et quietos in eleemosynam dedit. Itaque ne ab memoria recederet homimum investituram hujus eleemosyne flexis genibus propria manu super altare baculum posuit. Ne omnino gratis fierit, dederunt ei monachi Sancti Nicolai quinquaginta et tres solidos cenomannensis monete. Hoc pactum concessit Eremburgis, uxor ejusdem Mathei, et filii ejus Gaufridus et Hugo et ilia Hemelina. De supradictis vero solidis habuerunt Eremburgis et filii ejus et filia XVIII denarios, totidemque fratres Mathei Hugo scilicet et Paganus in concessionem. Hoc viderunt et audierunt de monachis Raginaudus prior, Radulfus, Hosmundus, Daniel, Hemelinus, Sello; de laicis Albericus de Gresso, qui hoc suo verbo tractavit, Bruslo, etc.; preterea vero Robertus, dominus Sablolii, sigillo cujus et memorie hec commendantur.