Universis Christi fidelibus presentes litteras inspecturis, Guido, dominus de Lavalle, miles, salutem in Domino. Notum fieri curavimus nos, pro salute animarum [nostrarum et] paremptum nostrorum, donationem quam Vivianus de Cocé, miles, dederat et concesserat Deo et monachis Majoris monasterii in burgo de Origniaco racione cappelle Beati Stephani ibi site, ratificasse et approbasse [et donasse] in quantum nobis pertinet et ipsos monachos et homines suos [de burgo suo] a nobis penitus exemptasse ne, quod absit, monachi rectum facere diffugiant, volumusque [concedimusque predictis monachis quod ipsi] habeant mensuras bladi et vini pro se et pro hominibus suis [de dicto burgo], et dictas mensuras de se ipsis in dicto burgo suo [pacifice et quiete] teneant et possideant in futurum. Et ne istud factum ab humana memoria possit deleri de cetero, nos ad petitionem predicti Viviani de Coceio, militis, et divine pietatis intuitu et ad supplicationem monachorum predictorum, presentes litteras sigilli mei munimine roboravi. Datum apud Lavallem anno incarnationis Domini nostri M quinquagesimo primo. Testes qui presentes fuerunt ad hec Hubertus de Pratellis, miles; Raherius de Castellonio, senescalus de Lavalle; Radulfus, filius Alberici, castellani de Lavalle [Guidonis]; Johannes de Fleis; Petrus Adversarius; Hamelinus Francus, miles; Rainaldus de Sancto Gallo et Juhellus, filius predicti Viviani de Coceio primogenitus, cum pluribus aliis.