Notum fieri volumus futuris quibusque sive presentibus quod ego Hildebertus, Cenomannorum Dei gratia episcopus, ad petitionem confratris nostri domni Willelmi, Maioris moansterii abbatis, seu ceterorum eiusdem monasterii fratrum, dedi atque concessi ipsius eiusdem Maioris monasterii ecclesie monachis ecclesiam de Lupiniaco cum omnibus ad eam pertinenbus vel que in ea Fulco de Marboeto possederat et eis quantum videlicet ad se pertinere videbatur, donare decreverat atque concesserat, salvo utique iure Cenomannensis ecclesie. Actum in capitulo Sancte Marie Ebronensis cenobii anno ab incarnatione Domini Mo. Co. Xo. VIIIo, presente et concedente Fulcherio, archidiacono nostro, necnon et ipso Fulcone de Marboeto qui ecclesiam ipsam quam tenuerat vel potius eiusdem ecclesie beneficia in manu nostra ibidem reddidit et eadem Maioris monasterii monachis dari rogavit atque concessit. Cuius nostre concessionis presentem cartulam ut firma in perpetuum maneat, sigillo proprio, ut cernitur, iussi signari.