Donation par Foulques le Riche, de Vendôme, aux religieux du prieuré de Saint-Martin de Lavardin, du fief de Nioches, de 40 arpents de terre, d’un moulin et de ses pêcheries près Landes.
Datierung: 1118 05 07
Uniuersis presentes litteras inspecturis. Ego Fulcherius de Vindocino cognomento Richus, diuinitatis amore compunctus, pro anime mee remedio, dedi sancto Martino maioris monasterii, ad vsum scilicet monachorum omnipotenti Deo in prioratu sancti Martini de Lauarzino degentium, quemdam in pago vindocinensi, quattuor fere milibus ab ipso castro vindocinensi a parte australi situm, alodium qui Nyochas vocatur. Do etiam eodem sancto et dictis monachis de terra, quam iuxta eumdem alodium habeo, arpenta circiter quadraginta, et molendinum in aqua de Landa iuxta dictum alodium, cum omnibus suispertinentiis, tam in terris quam piscariis in dicta aqua, sicut eatenus possedi, ea videlicet ratione vt dicti monachi de Lauarzino libere et quiete ea possideant eterna hereditate, nichil pro ipsis seruitii et alterius consuetudinis census aut alterius persoluentes. Vt vero hec donatio certiorem habeat firmitatem, sigillum nostrum presentibus apponi fecimus die vicesima mensis maii anno incarnationis Verbi milesimo centesimo decimo octauo, in presentia Groaldi prepositi capelle vindocinensis, Gauterii presbiteri sancti Martini de Landa, Archembaldi presbiteri sancti Leobini de Landa, Raginaldi castellani de Vindocino, Foqueti bastardi, nepotis mei, Adonis serui mei, Rodulphi prioris de Lauarzino, Hugonis monachi.