Bouchard du Pin, tué dans un combat livré entre les seigneurs de Montoire et de Lavardin, est enterré au prieuré de Saint-Martin. En reconnaissance son nevea Guillaume Turpin donne aux religieux un arpent de terre, non loin de Lavardin et du château du Pin.
Datierung: 1108-1156
Omnibus notum fiat quod Burchardus de Pinu cum inter castrum Montis-aurei et Lauarzinum, die quodam militari, et male consueto conflictu ad mortem uulneratus fuisset, ad sanctum Martinum Lauarzini extremum trahens spiritum ab amicis et dominis suis delatus est, et a monachis diligenter sepultus. Pro cuius sepulture beneficio dederunt ipsi amici eius et domini, Guillelmus uidelicet turpinus nepos eius, et alii, ecclesie ubi jacebat unum terre arpennum, non longe a Lauarzino iuxta uiam que ducit ad Pinum ad leuam prope vineas. Ad hoc donum cum fieret affuerunt: Bartholomeus de Uindocino, Paganus de Fractaualle, Paganus muthardus, Hainricus Gundacrius et alii multi. Quando uero Guillelmus turpinus nepos eius diuisit monachis ipsum arpennum, et tradidit, interfuerunt Paganus de Fractaualle, Paganus muthardus, Guibertus de sancto Medardo, Gaufredus frater Hugonis de Monte aureo, Gauterius de Pinu. De monachis: Rainaldus prior, Herueus subprior, Gaufredus carpentarius. De famulis: Rainaldus de Aula, Rainaldus de Uilers.