Théodoric des Moulins, près de mourir, donne au prieuré de Lavardin un cens de dix deniers.
Datierung: XIe siècle
Ausstellungsort: Lavardin
Nouerunt nostri successores quod quidam homo Teodericus de Molendinis ueniens ad finem donauit beato Martino de Lauardino et monachis ibidem Deo seruientibus censum X denariorum quos monachi ei reddebant, auctorante hanc donationem Rainaldo fratre supradicti Teoderici, et sorore eius nomine Richildi. Testes qui fuerunt: Adelelmus de Molendinis, Rainaldus cognomento goscelinus, Rotbertus sororgius prefati Teoderici, Ingelbaldus rufus, Garinus leurellus, Ebroinus de Fos. Ex parte monachorum: Bernardus mulnerius, Gauffredus, Ebrardus Vnfredus, Raimbertus, Gaufredus. Mouachi fuerunt: Petrus prior et Harduinus de Ponte. Postea ueniens supradictus Rainaldus frater iamdicti Teoderici in capitulum lauarzinense, accepit beneficium nostrum, et auctorauit elemosinam quam dederat frater suus coram monachis et plurimis laicis, et per baculum misit hanc donationem super altare beati Martini. Testes fuerunt: Letbertus noster prepositus, Bernardus mulnerius, Bencelinus carpentarius, et alii plures.