Gervais, chevalier, donne à MM. la terre de Bury avec son église, du consentement des seigneurs Hugues Capel, vicomte de Châteaudun, et de son frère Geoffroy. Ceux-ci concèdent de plus l'église de Rhodon.
Datierung: 1080
Noverint omnes nosse volentes vel potius opus habentes, videlicet nostri presentes et posteri, Geruasium militem filium Lancelini partim vendidisse, partim donasse sancto Martino et nobis sui maioris monasterii monachis pro redemptione anime sui suorumque antecessorum et uxoris ac liberorum terram quamdam in blesensi pago sitam Buriacum nuncupatam, et in ea consistentem ecclesiolam cum rebus que pertinent ad eam, terram scilicet cultam et incultam, atque pratis, servis quoque et ancillis, cum tota decima, oblatione ac sepultura et censu qui tunc XVI solidorum erat. Postremo cum omnibus ad eam omnino pertinentibus, annuente conjuge sua Osebia, et filiis Lancelino, Guillelmo, Rodulfo, Bernerio, Gilduino, Matheo, acceptis a fratre nostro Hugone preposito oboedientie de Cambone denariorum solidis quingentis, et auri tribus unciis atque dimidia Testibus istis: Ascelino chotardo, Herberto barba, Odone armigero, Guillelmo filio Archenbaudi prepositi, Tegerio, Odone deo ablato, Haimone preposito, Matheo filio Girogii; Archengerio, Hugone filio Ascelini, Bernardo filio Fulberti, Teodemaro, Herueo nepote Geruasii, Rodulfo et Erfredo atque Algerio presbiteris. Ipso Hugone monacho qui hanc emptionem fecit, Durando calvo famulo eius, Gausmaro homine sancti Martini, Bernardo fratre eius, Giraldo famulo, Benedicto, Andrea. Hugo quoque cognomento capellus vicecomes de Castro duno, de cuius erat terra illa et ecclesia beneficio, LX a supradicto Hugone nostro monacho solidis acceptis venditionem donationemque Geruasii, hoc est, et terram pro qua suprataxatum precium acceperat, et ecclesiam quam in elemosinam donaverat liberrime nobis concessit, suoque auctoramento firmavit, atque in cartula inde mox conscripta signum crucis uterque, et ipse scilicet et Geruasius effigiavit, testesque adfuerunt subter ascripti, Herbertus barba, Guillelmus Frodonis filius, Arnulfus de Espalteria, Ingelbaldus de Cornicula, Ascelinus de Tesleio, Gauterius foragerius, Odo frater eius, Girardus filius Drogonis, Stephanus filius Sigeranni. Matri Geruasii concessum est ut quamdiu vixerit habeat medietatem ex omnibus rebus illis, et annis singulis frumenti modium integrum, segaleque dimidium, modium item vini, et baconem dimidium, duo quoque leguminis sextaria et necessaria vestimenta. Post paucum tempus frater supradicti vicecomitis Hugonis, Gaufredus ab eodem rogatus, monente Iuone fratre nostro ville Berfodii preposito, illa ipsa vendita vel donata suo nobis concessit auctoramento atque tunc ambo pariter ipsi duo fratres concesserunt nichilominus nobis ecclesiam de Rosdone cum terra et omnibus quae donata fuerant in eodem loco, testibus istis: Gauterio oculo canis, Ansaldo de Mungerii villa, item Fucodio filio Frotmundi et fratre Hilgodi nostrorum monacorum. Post ista Suppicius de Caluo monte super his nobis calumniam intulit, sed tandem acceptis a supradicto fratre nostro Hugone L solidis, calumniam illam integre perpetuoque guerpiuit, una cum coniuge sua nomine Dionisia, presente Hugone monacho et Suppicio monacho, et Gurbando presbitero capellano matris Geruasii, et Gausberto preposito Calui montis, et Andrea famulo monachorum, et ipsa Geruasii matre nomine Beatrice. Acta sunt hec anno ab incarnatione domini M. LXXX, praesidente nobis domno abbate Bartholomeo anno XVII. Post aliquot menses Roscelina quoque filia Geruasii, duobus solidis acceptis, donationem venditionemque paternam concedendo firmavit testibus istis: Roberto expiardo, Bernardo nepote Geruasii, Herueo scutario ipsius, Rainerio cellerario ipsius. De nostris, Hugone et Benedicto monachis, Andrea famulo, Gaufredo pellitario.