Rainauld, seigneur de Château Gonthier et de Châteaurenault, rendu à la liberté par les Bretons, se désiste de toutes ses prétentions sur le bois de Blémars.
Datierung: 1063
Alberto maioris monasterii abbate, ab incarnatione 1063, regni Philippi regis F. 5o, Rainaldus castri Guntherii et castri Rainaldi, in pago turonico dominus, tanquam secretarius bosci blimartii, in quo Odo comes et eius filius Teobaldus postea duas fere leucas dederant, varia jura pretendebat; quod cum monachi non acquiescerent eius petitionibus, impetebat eorum possessiones. Sed captus in bello a britannis, ad se rediit, et primo custodia egressus, datis obsidibus duobus filiis suis Rainaldo et Guicherio, venit cum uxore sua Lisabellis in capitulum MM., ubi publice dimisit omnes pretensiones suas, in dicta bosco, 5 cal. martii. Et iterum in curia, in presentia andegavensis comitis Gaufredi, quem fidejussorem dedit promissorum, 3 nonas aprilis, sabbato ante dominicam palmarum, ubi Robertus burgondio, Tetbaldus de Jarziaco, Guarinus de S. Quintino, etc. testes erant, et Adelelmus de Campiniaco, Milesendis eiusdem Rainaldi filia consentisse etiam dicitur tunc parvula. Adhuc quippe mos erat eius temporis ut pueri in cunis consentire vellent, ad pactorum firmitatem. Porro non hec sunt facta gratis, nam Rainaldo pro litro suo solvendo X libras et 100 solidos dati sunt a monachis. Similia fere narrantur de eodem in cartis de fonte merlandi, supra.