Ludwig tauscht mit dem Erzbischof Thietmar von Salzburg das Kirchengut in Muotilesstat gegen das Lehen seines Getreuen Wodilhelm in Gars für dessen Todesfall.
Datierung: 881 10 14
Ausstellungsort: Regensburg
(C.) In nomine sanctae et individuae trinitatis. Hludouuicus divina favente gratia rex. Si locis deo dicatis nostrae regiae potestatis commoditatem impertimur, hoc nobis ad aeternae beatitudinis premia capessenda profuturum liquido credimus. Quapropter noverit omnium fidelium nostrorum tam praesentium quam et futurorum industria, qualiter quidam vir venerabilis Salzburgensis civitatis archiepiscopus nomine Thietmarus nobis concessit ex rebus sancti Ruotberti quicquid in loco nominato Muotilesstat habere visus fuit cum domibus aedificiis mancipiis campis agris pratis pascuis silvis cultis et incultis aquis aquarumque decursibus viis et inviis accessibus et adiacentiis finibus exitibus et regressibus et omnibus legitimis appenditiis. Econtra concedimus praenominato archiepiscopo ad praefatum locum sacrum quicquid Uodilhelmus fidelis noster in Garazze habere visus fuit et quicquid ad hoc iure ac legitime pertinere videtur cum domibus aedificiis campis agris pratis pascuis silvis cultis et incultis aquis aquarumque decursibus accessibus et adiacentiis finibus exitibus et regressibus et omnibus adiacentiis legitimis, eo scilicet rationis tenore ut praefatus Uodilhelmus praescriptas res in Garazze diebus vitae suae habeat; post discessum vero eius cum omni integritate deinceps omni tempore consistant absque ullius contradicentis obstaculo. Et ut haec nostrae concessionis auctoritas firmior habeatur et per futura tempora a fidelibus nostris melius credatur et diligentius observetur, manu propria nostra subter eam firmavimus et anuli nostri impressione eam assignari iussimus.
Signum Hludouuici (MF.) serenissimi regis.
Arnolfus cancellarius advicem Liutberti archicappellani recognovi et (SR.) (SI.)
Data II id. octobr. anno dominicae incarnationis DCCCLXXXI, indictione XV, anno VI regni Hludouuici serenissimi regis; actum Reganesburg; in dei nomine feliciter amen.