Ludwig schenkt dem Grafen Werinhar drei von Tuto zu Lehen besessene Mansen in Weinheim zur Übertragung zugleich mit diesem Präzept an das Kloster Lorsch.
Datierung: 877 01 04
Ausstellungsort: Frankfurt
In nomine sanctae et individuae trinitatis. Hludouuicus divina favente gratia rex. Notum sit omnibus sanctae dei aecclesiae fidelibus nostrisque presentibus scilicet et futuris, qualiter cuidam venerabili comiti nomine Werinbario quasdam res proprietatis nostrae ob meritum suae bonae fidelitatis concessimus, hoc est mansos tres in villa quae dicitur Winenheim, quos Tuto habuit in beneficium, cum mancipiis casis curtis edificiis pratis silvis pascuis aquis aquarumve decursibus exitibus et regressibus seu quicquid ad prefatos tres mansos iure ac legitime pertinere videtur, ea videlicet ratione ut idem Warinharius predictos tres mansos cum hoc nostrae auctoritatis precepto ad monasterium Lauresham in honore sancti Nazarii constructum tradat in usus scilicet fratrum ibidem deo servientium, et sit haec traditio pro remedio animae piissimi genitoris nostri et pro dilecta coniuge nostra Liutgarda ac carissima prole nostra, ita videlicet ut quicquid ab hodierna die abbas eiusdem aecclesiae successoresque ipsius de predictis rebus pro utilitate ipsius aecclesiae facere voluerint, liberam in omnibus habeant potestatem faciendi. Et ut hec auctoritas nostrae concessionis firmior habeatur et per futura tempora a fidelibus nostris melius observetur veriusque credatur, manu propria nostra subter eam firmavimus et anuli nostri impressione assignari iussimus.
Signum Hludouuici (M.) serenissimi regis.
Wolfherius cancellarius advicem Liutberti archicapellani recognovi et subscripsi.
Data III non. ian. anno incarnationis domini nostri Iesu Christi DCCCLXXVII, indictione X, anno primo Hludouuici regis in orientali Francia regnantis; actum Franconofurt; in dei nomine feliciter amen.