In nomine domini nosti Iesu Christi dei aeterni. Hludouuicus gratia dei imperator augustus invictissimi domni imperatoris Hlotharii filius. Dignum est, ut, qui prudenter dei obsequia ordinare procurant et hoc ad stabilitatem perpetuam nostram corroborationem confirmare exposcunt, ut tanto libentius obaudiamus, quanto et deo placita intelligimus et prudentia comite bono studio effectum esse cognoscimus. Quapropter cunctorum fidelium sanctae dei ecclesie ac nostrorum presentium scilicet et futurorum cognoscat sollertia, quia, dum nos dilecto fideli nostro Adalberto coenobium domini Saluatoris in monte Amiate constitutum ad regendum commissisemus et ibidem neglecta dei obsequia et procuratione deo ibidem famulantium predecessorum suorum incuria multis modis repperisset, studiosius decertavit congregationem monachorum ibidem deo servitium regulariter corrigere et solummodo divinis obsequiis deditos ad sufficientiam suorum largire conferens eis ad sufficientiam suorum cellam sancti Benedicti, curte de Palea, cellam sancti Stephani in Monticlo et cellam sancte Marie in Lamulas, curticella de Mustia nec non et curticella de Titinano et in Cerri angariales seu in Feroniano et manentes eius nec non et cellam sancti Saluatoris de Ualerachana et curticella de Cuniclo cum ipso cagiolo de Portiano et cellam sancti Stephani in Terquini seu et cellam sancti Seueri super lacu cum ipso culticella de Bisentio, cellam etiam sancti Miniati nec non et cortes, qui vocitantur Corsi et Cortiobole, qui sunt de comitatu Roselense, cum omnibus pertinentiis et adiacentiis eorum, ea videlicet ratione, ut ab hinc in futurum predicta sancta congregatio his omnibus denominatis tantummodo suis utilitatibus habentes victum vestitumque regulariter sumentes absque ulla dilatione solummodo divinis die noctuque persistant obsequiis ac pro stabilitate totius imperii nobis a deo commissi studeant exorare. Sed, quod bono studio bonaque voluntate fecit, perennem habeat stabilitatem, petiit pietatem nostram, ut eandem ordinationem nostram confirmaremus conscriptionem, sicuti et fecimus. Quapropter eidem sancto loco hoc nostrum preceptum fieri iussimus, per quod precipimus, ut ab hinc in futurum eadem sanctae congregationi omni quietudine absque ullo publico repetitu auc rectoris loci ipsius subtractu easdem res in suis utilitatibus ac necessitatibus habeant ordinent et disponant, quatenus exinde sufficientiam habentes in divinis obsequiis nullatenus mittant neglegentiam incuriam, sed eorum assidua famulatio non solum nobis, sed et eidem fideli nostro pro bona ordinatione maneat sempiternale remedium. Ut quoque haec nostrae confirmationis auctoritas pleniorem in dei nomine obtineat vigorem, manu propria subter firmavimus et anuli nostri inpressione adsignari iussimus. Si quis autem, quod absit, ausu temerario infringere ipsum parvipendendo aut annullare temptaverit, debita ab eodem ultione centum auri libras exsolvi indicimus, medietatem camere nostre ac medietatem predicte abbatie suisque rectoribus, et perpetuo anathemate in ignea abysso ligetur.
Signum (M.) domni Hludouuici serenissimi augusti.
Herincus domni imperatoris cancellarius advice Dructemiri recognovi et (SR.) (SI. D)
Data IIII non. iulii, anno Christo propicio imperii domni Hlotharii pii augusti XXXIIII et Hludouuici gloriosi imperatoris in Italia IIII, indictione I; actum Papia civitate palatio regio; in dei nomine feliciter amen.