Datierung: 1000 06 11
Ausstellungsort: Hohentwiel
In nomine sanctae et individuae trinitatis. Otto superna fauente gratia Romanorum imperator augustus. Notum sit omnibus fidelibus nostris, presentibus atque futuris, qualiter nos interventu domni Werinherii, venerabilis abbatis, cenobio laureshamensi in quo ipsum preesse constituimus, imperiali auctoritate concessimus atque statuimus, ut publica fiat moneta cum omni utilitate sua, in loco Bruomagad dicto, in comitatu Eberhardi comitis, et in pago Helisaze, eo tenore ut probabiles denarii ibi fiant, et moneta semper in eodem loco habeatur, ad usum sanctae laureshamensis aecclesiae eiusque rectoris. Et ut hec traditionis perdonatio firmior permaneat, hanc paginam manu propria corroborantes, sigillari iussimus. Signum domni Ottonis cesaris M. inuicti. Heribertus cancellarius, vice Willigisi archiepiscopi recognovi. Data IIIo idus iunii. Anno dominicae incarnationis Mo. Indictione XIIIa. Anno tercii Ottonis regnantis XVIo, imperii quinto. Actum in castro quod dicitur Dvellum.