Logo: Universität Hamburg
Logo: Formulae, Litterae, Chartae
Logo: Akademie der Wissenschaften in Hamburg

Codex Laureshamensis Teil: Bd. 1, Einleitung, Regesten, Chronik Kap. Nr. 75


Datierung: Nach 969 08 08
Ausstellungsort: Lüttich

De statu aecclesiae in Empele.

His et huiusmodi imperialis munificentiae privilegiis, reverendus abbasGerbodo, per interventum venerabilis ac deo amabilis Adelheidae imperatricis augustae, laureshamense monasterium pristinae libertati reformavit, et res eiusdem tam intestinis quam extraneis cladibus quacumque dispersas et profligatas recolligens redintegravit.Unde et in pago Dehsendron, in presidatu Ansfridi comitis, in uilla vocabulo Empele, aecclesiam quondam fundatam, sed allione aquarum collapsam, reaedificavit. Super qua Eberkarus leodiensis ecclesiae episcopus facta sinodali inquisitione, quo loco fundata, qualiter dotata, quando diruta fuisset, si vestitura eius laureshamensi monasterio cum decimis suis iuste ac legitime adtineret, canonico iudicio, ac septem illustrium ex eodem comitatu virorum iuramento, diligenter investigavit, eamque reaedificatam in honore sancti Nazarii et sancti Lamberti mrum. kl. octobr. consecrans dedicavit, et decimas episcopali iustitiae tum adiudicatas, sub testimonio totius sinodalis conventus, laureshamensis cenobii iuri et dominio, ad eiusdem aecclesiae titulum perpetuo impendendas, resignavit. Testes. Adelbertus corepiscopus, Buobo leodicensis prepositus, Irimbolt, Wodilbalt laureshamensis prepositus, et alii multi. Actum Leodii. Anno ab incarnatione domini nostri Iesu Christi DCCCCoLXoVIIIIo. Indict. XII. Anno uero regni Ottonis serenissimi regis XXXoIIIIo. Imperii autem ipsius VIIIo. Ego itaque Berchthath dei vocatione monachus, atque indignus diaconus hanc cartam actionis descripsi, diemque et tempus ut supra notavi.

Eodem tempore quidam Ratherus et uxor eius Eggeburg, res proprietatis suae in Hantscuesheim sancto Nazario tradiderunt, et res eiusdem cenobii subternotatas ad dies vitae suae in beneficium receperunt.