Pertualdo, di ritorno da un pellegrinaggio a Roma, offre alla chiesa e al monastero di S. Michele Arcangelo presso le mura di Lucca, da lui fondato, diversi possessi presso la città e altrove, tra questi la terra in Arena avuta per concessione regia, colle decime che gli spettano sui prodotti e sugli animali; i monaci dovranno soccorrere le vedove, gli orfani e i poveri, ospitare i pellegrini, eleggere l’abate.
Datierung: 720 (09–12)
Ausstellungsort: Lucca
+ Exemplar ex autentico. In nomine domini Dei nostri Ieso Christi. regnante domno nostro Liutprand uiro excellentissimo rege, anno filicissimo regni eius nono, per indictione quarta; feliciter. Omnium ecclesiarum conditor Christus ipse nobis dat spem et certam habere feduciam, ut illut quem a iuuentutem nostra egessimus, per sacris et bonis operibus abluamur. Unde ego Pertuald uir deuotus considerans adque pertractans animum meum, dum enim peregre non mea necessitatem sed Dei conpulsationem correctus habiui longinquo urbe, uiduam, pupillum et orfanum protegendum, illuc desiderium conplectus, liminibus Beati Petri apostolorum princeps Romane urbis deuotum iuxta placitum Deo ad propria remeatus, queque illuc Deo deuotus sum ipso iuuantem, ut uirtus permiset, opem perfici. idcirco ego Pertuald uir deuotus offero Deo et tibi ecclesie Beati Sancti arcangeli Michaeli, quem a fundamentis fabricis uestibulis in honore Christi Domini constitui prope domus cellula mea ubi cummanire uideor, quam et ad eius monasterium, id est: curte cum fundamento ubi ipse ecclesia uel monasterio sitas sunt per loca designata, fini fossato et trans fossato da occasum solis, finis puteo antiquo et strata publica; terra pertenente modilocumt unum, ubi sibi abbas uel monachi iniui cousistentis ortum uel pigmentarium hauire debeat, una cum terra prope ciuitate ad Ualle modiorum quattuor; campo ad Quinto modiorum quinque; decimas de uinea et olibas quemquem hauire uideor ad Sancto Pancratio; et decimas de uinea et oliuas quem hauire uideor de proprio peculiare in loco qui dicitur Muriatico super Sancto Petro; similique decimas de omnem lauorem meum, tam uinum quam granum, oleum, uel de quot mihi Dominus dederit iniui persoluere debeam; ad illas uero uinea, quam nominatim decreui ad designatum [et d]euisum, decimas dare absque ista decimas, quod est mobile; ad illa uero in Mule uineas, decimas de uirgario adimplere debeas; [e]t de gregis equorum, armentorum, ouium seu porcorum, omnia qui nati fuerent a calendas ianuaria indictione quarta in ipso sancto loco, idem decimas dare debeas; et terra ad Arina, qui mihi a regia potestate concessa est, in integrum. de casis uero: in primis, in Monaciatico casa qui regitur per Sintarine boulco cum omnia ad se pertenente in integrum; casa in Ciceriana, qui regitur per Maurello massario; casa in Capelle, qui regitur per Barinchulo massario; casa in Monte Colaccio, qui regitur per Audolf massario; casa in Actiliano, qui regitur per Pettulo massario; casa in Rasiniano, qui regitur per Mauricio massario; casa in Cicina, qui regitur per Deodatus massario; casa in Cornino, qui regitur per Rodulo massario; casa in Rotiliano, qui regitur per Marcello massario; casa in Roselle, qui regitur per Teuduald massario. haec istas superius nominatas casas cum cultis uel incultis, omnia et in omnibus mobilia uel immobilia, quidquid ad ipsas casas pertenit, tibi predicte ecclesie Sancti Ancargeli una cum aliis predesignatis rebus meis, quam iniui pro anime me remedium per dotis titulo offerre uisus sum, ab hodierna die trado in integrum possedendum, ita ut sacerdus, qui iniui constitutus est aut fueri, pro meis facinoribus Dominum deprecari debeat, officium Dei peragendum, uiduam, orfanum et pauperem consulandum, eginum et peregrinum recipiendum, iuxta Dei preceptum omnium opem ferre non desinat. et si quis de filiis meis in ipso sancto loco Deo seruire uolueret, regulariter agere nulla ei sit contradictio; quid si minime ex ligitimo prolis meus iniui uolueret Deo seruire, et abbas qui iniui constitutus fueret de hac luce migraueret, quem ipsam congrecationem siui abbatem et priorem eligeret, ipse sit in loco. et nihil iniui meis heredibus potestatem habeas inuasionem faciendum, neque exinde aliquid subtragendum, nisi si a qualiue homine ipse ecclesia uel monasterio contra iustitia pulsatus fuerit, a meus proprius heredis habeas defensionem, nam non menuetur. contra quam dotalii seu munusculi me paginam numquam me heredes meus aduersus ipsam sancta uirtute aliquando spondimus esse uenturus, sed omnia, sicut supra legitur, inuiolauiliter conseruare. Quam dotalii et monusculi me cartulam Petro nepoti meo, dictante genitore suo Petroni, scriuere commonui. Actum Luca. Signum + manus Pertuald uiri magnifici autori et conseruatori. Signum + manus Sundipert filio eius consentientis. Signum + manus Peretheo idem filio eius consentientis. Signum + manus Ansuald uiri magnifici testis. Signum + manus Aunifridi uiri deuoti testis. Signum + manus Radiperti uiri deuoti testis. Signum + manus Teuderisci uiri deuoti testis. Signum + manus Autpert uiri deuoti testis. + Ego Osprandus diaconus ex autentico fideliter exemplaui, nec plus addedi, nec menime scripsi. + Ego Rachiprandus clericus exemplar iterum fideliter exemplaui. + Ego Ermimari clericus de exemplare iterum fideliter exemplaui.