Karl der Grosse schenkt dem Kloster Fulda ‘das Land seiner Empfängnis’, nämlich die Provinz an der Unstrut und den Hof Vargala.
Carolus dei gratia Francorum et Longobardorum rex et patricius Romanorum. Noverint omni nostri Christique fideles, qualiter ob eternam nostri memoriam et parentum nostrorum piam recordationem donamus et contradimus domino nostro salvatori Iesu Christo sanctoque Bonifacio martiri, qui in Fuldensi requiescit monasterio, terram conceptionis nostrae, hoc est totam conprovinciam circa flumen Unstrut ipsamque curtem nostram in Vargalaha, cum omnibus conpertinentiis suis et cum omnibus villis longe vel prope positis, quae ad eam respiciunt, cum omni proprietate, sicut nos eam a parentibus nostris in proprietatem accepimus. Precipimus etiam super hoc, ne aliquis hominum eadem bona a Fuldensi monasterio auferat, sed sint in eterna subsidia fratribus inibi deo militantibus ad memoriam nostre recordationis.