Karl der Grosse gibt dem Bischof Liudger von Münster die Erlaubnis zum Bau einer Kirche in Werden, nimmt diese in seinen Schutz und schenkt zur Vollendung des dort zu errichtenden Klosters den Fiscus Lothusa im Brabantgau.
Datierung: 802 04 26
Ausstellungsort: Worms
(C.) In nomine sanctae et individuae trinitatis. Karolus divina donante clementia imperator augustus. Si sacerdotum ac servorum dei petitionibus, quas nobis pro necessitatibus suis insinuaverint, aurem accommodamus et ea ad effectum perducimus, non solum regiam et imperialem consuetudinem exercemus, verum etiam aeternae retributionis premia nobis profutura non dubitamus. Comperiat itaque omnium fidelium nostrorum presentium scilicet et futurorum industria, qualiter beatae memoriae Liudgerus Mimigernefordensis episcopus postulavit celsitudinem nostram, ut cum licentia et auxilio pietatis nostrae sibi liceret in propria sua hereditate in pago Ruricho in loco qui dicitur Uuerthina super fluvium Rura in silva Uuenasuuald aecclesiam aedificare in honore sancti Salvatoris et sanctae Mariae virginis nec non et sanctarum reliquiarum, quas ab apostolico papa de Roma transtulit, et, si facultas daretur quandoque monasterium aedificare et monachos congregare, se velle manifestissime testatus est. Cuius rationabili et iuste petitioni libentissime assentimus, inprimis ut eadem aecclesia in nostram tuitionem suscepta et non solum ea, quae moderno tempore, verum etiam quae postmodum a dei fidelibus collata fuerint hominibus, firmius et solidius possidere absque ullius iniusta valeat infestatione. Ad perficiendum autem in eodem loco monasterium et ad congregandum coenobium suggerente sepe dicto fideli nostro episcopo ad easdem reliquias proprias res nostras, id est fiscum nostrum qui vocatur Lothusa in pago Brabant cum omni integritate in proprietatem donamus et in perpetuum perdurare deo prestante iubemus cum omnibus ad se pertinentibus, terris et silvis, mansis et mancipiis, aquis et pratis, aedificiis, cultis et incultis imperiali more ad sepe dictas reliquias, que in Uuerthina venaerantur, iure hereditario prestamus et condonamus. Et ut haec auctoritas nostris futuris[qu]e temporibus domino protegente valeat inconvulsa manere, manu nostra subter firmavimus et anuli nostri inpressione
signari iussimus.
Signum (M.) domni Karoli serenissimi imperatoris augusti.
Hildigrimus notarius advicem Alguini archicapellani recognovi et (SR.). (SI.)
Data VI kal. mai. anno incarnationis domini DCCCII, anno autem regni eius XXXIIII et in Italia XXVII, imperii vero II, indictione X; actum in Uuormatia; in dei nomine feliciter amen.