Karl der Grosse verleiht der Kirche von Modena Immunität.
Datierung: 782 09 26
Ausstellungsort: [Gondreville]
(C.) Carolus gratia dei rex Francorum et Langobardorum ac patricius Romanorum omnibus episcopis abbatibus ducibus comitibus gastaldiis atque [omnibus missis nostris] discurrentibus praesentibus et futuris. Maximum regni nostri in hoc augere credimus monimentum, si petitionibus sacerdotum ac servorum dei, in quo nostris auribus fuerint prolate, libenti animo obtemperamus atque ad effectum perducimus. Quapropter noverit solertia vestra, qualiter nos ad petitionem venerabilis viri Geminiani sanctae Modonensis ecclesiae episcopi, quae est constructa in honore praeciosissimi confessoris Christi Geminiani antestitis ipsius ecclesiae, talem circa ipsum sanctum locum beneficium concessisse, ut in monastheria et sinodochia seu ecclesias baptismales vel reliquas possessiones, quae ad ipsum episcopatum aspiciunt tam de datione regum quamque reginarum seu reliquorum deo timentium hominum, unde moderno tempore ipsa casa dei iustae vestita est, aut quod divina pietas ibi amplificare voluerit, nullus iudex publicus ad causas audiendum vel freda undique exigendum seu mansiones aut paratas faciendum nec fideiussores tollendum neque hominibus ipsius episcopati distringendum nec nullas redibutiones publicas requirendum iudiciaria potestas ibidem quoque tempore ingredere nec exactare penitus non praesumat. Propterea hanc emunitatem conscribere iussimus, per quam specialiter decernimus ordinandum, ut nullus quislibet de vobis neque de iunioribus vestris amodo et deinceps, ut diximus, in monastheria vel exsinodochia seu ecclesias baptismales vel reliquas possessiones, quae ad ipsum episcopatum, ut diximus, de datione regum aut reginarum seu reliquorum deo timentium hominum aspiciunt, nullus iudex publicus ad causas audiendum vel freda undique exigendum seu mansiones aut paratas faciendum nec fideiussores tollendum nec nullas redibutiones publicas requirendum vel exactandum iudiciaria potestas ibidem quoque tempore ingredere nec exactare penitus non praesumatur, sed sub emunitatis nomine cum omni freda concessa valeat omnique tempore rectores ipsius episcopati hominesque eorum quieti vivere et resedere. Et ut haec auctoritas firmior habeatur vel diuturnis temporibus conservetur, manu propria subter eam decrevimus roborare.
Signum (MF.) Caroli gloriosissimi regis.
(C.) Uuigbaldus advicem Radoni recognovi et (SR. NT.: Uuihbaldus advicem Radoni recognovi et subscripsi). (SI. 1.)
Data sexto kalendas octobris anno quarto decimo et nono regni nostri; actum [Gundulfa] villa palatio publico.