Karl der Grosse nimmt das Kloster Echternach in seinen Schutz und bestätigt die Immunität.
Datierung: 771 10 09 – 772 10 08
Karolus rex Francorum vir illuster. Si peticionibus sacerdotum vel ancillarum dei, quod pro eorum quietem vel iuvamen pertinet, libenter obaudimus vel ad effectum in dei nomine mancipamus, regiam consuetudinem exercemus et nobis ad laudem vel stabilitatem regni nostri in dei nomine pertinere confidimus. Igitur venerabilis vir Adebertus abbas Epternacensis monasterii, quod est constructum in pago Bedense super fluvio Sura in honore sancte trinitatis et sancti Petri, quod venerabilis episcopus Willibrordus suo opere edificavit et ubi ipse corpore requiescit vel Adebertus abbas una cum monachis conversare videtur, clementiam regni nostri petiit, ut omnes villas vel curtes suas vel homines, quos presenti tempore habere videntur aut inantea a deo timentibus [hominibus] fuerint collate vel suscepte, unde legittimo redebit mitio, sub sermone tuitionis nostre vel emunitatibus ipsius monasterii largiremur. Cuius peticioni hoc gratanti animo prestitisse vel in omnibus recepisse agnoscite. Quapropter per presens iubemus preceptum, ut neque vos neque successores vestri neque nuncii nostri in curtis vel in villis predicti monasterii ad causas audiendum nec fideiussores tollendum nec mansiones aut paratas faciendum nec homines ipsius ecclesie distringendum ibidem ingredere presumant, sed sicut ipse beneficius antecessorum regum usque nunc fuit conservatum, ita deinceps per nostram auctoritatem generaliter maneat inconvulsum, ita ut pro nobis et regni nostri stabilitate domini misericordiam non cessent exorare. Et ut hec auctoritas firmior habeatur et melius conservetur, manus nostre subscriptione et anuli nostri impressione subter eam decrevimus affirmare.
Actum anno IIII regnante Karolo rege.