Adalbertus et les moines de Gorze donnent à un nommé Hildemannus la terre que leur abbaye possède vers Varangéville, sur le Sànon, en échange de divers biens à Gerbécourt.
Datierung: 922
Ausstellungsort: Gorze
Ordo rationis iure expostulat ut quotiens mundanarum rerum probabilis commutatio certum obtinere nititur tramitem, adhibita inviolabilis caritatis exhibitione, illud quod invicem largiflua caritas impertiri non abnuit scriptis omnimodis commendetur; onde et quod prudentissima sanxit antiquitas nec minus fragilioris evi posteritas, hoc idem inconvulsa apicum adnotatione firmare satagit, quatinus rationabiliter collata nulla postmodum possint rerum varietate turbari. Quamobrem, placuit atque convenit inter venerabilem virum nomine Adalbertum, et fratres ex monasterio sancti Gorgonii martyris, et quendam virum Hildemannum nomine, ut quasdam res inter se commutare deberent; quod ita et fecerunt. Dederunt itaque, per consensum domni Wigirici, presulis sancte Mettensis ecclesie, iam dictus Adalbertus aliique fratres predicte congregationis sancti Gorgonii, Hildemanno, in pago Calmontinse, super fluvium Cernonem, terram sancti Gorgonii que habet determinationes : de uno latere ipsius aque, de alio latere caminus publicus, de tercio latere tenet Bosonis potestas de Odani villa, de IIII° vero latere est Hugonis comitis ex Rodaldi villa; ex quatuor autem terminationes ex Novo villare, cum omni integritate Hildemanno in comcamium datur. Econtra in recompensatione huius meriti reddidit Hildemannus in pago Salninse, de rebus suis propriis, in villa Gerberti curte, ad partem predicti sancti Gorgonii, mansum I, et vineam, campos, prata, silvas, et quicquid ad ipsas res pertinet, cum omni integritate; habet terminationes de duabus partibus terra Sancti Dionisii, de tertia parte via publica, de quarta vero parte tenet Heriburgis; infra has terminationes, sicut inter illos convenit, totum et ad integrum. Ea vero ratione ut, a die presenti in futuro, quicquid pars juste et rationabiliter alteri contulit parti iure hereditario succedat, et de collatis unaqueque pars quicquid facere juste decreverit, videlicet habendi, tenendi, commutandi, libero in omnibus perfruatur arbitrio. Et ut hec commutatio firma et stabilis permaneat, manibus propriis illam roboravimus stipulatione subnixa. Actum in monasterio superius nominato, anno ab incarnatione Domini DCCCCXXII, indictione X, epacta XX, concurrente II, anno XI Karoli regis. † Signum domni Wigirici, episcopi, qui istam commutationem firmavit et scribere iussit; † Signum Adelberti, senioris sive abbatis ipsius cenobii; † Adelmodi decani; † Eringi; † Radowardi ; † Hardowici ; † Bettonis; † Aftagii; † Wandelmari ; † Audini; † Gisaldi ; † Agloni; † Angelardi; † Hadieri; † Raodaldi; † Bricii; † Wolmodi; † Barneri; † Leutfridi; † Barnardi; † Bliheri; † Girardi; † Folchridi; † Ego Aftagius, ac si iodignus humilis cancellarius, scripsi et subscripsi.