Beto, abbé de Gorze, renouvelle le précaire accordé par son monastère à Hildoinus, sur des biens à Corny, Lironville, Scy, etc.
Datierung: 864
Oportunitas ecclesiastice amministrationis, non solum spiritalibus presidiis, verum etiam temporalibus auxiliis filiorum propaginem nutrire non desinit. Hi enim qui sub deprecatorio facto res ecclesiasticas expetunt, dantes proprietates rerum suarum, ut sub beneficio prestarie ipsas optineant, ut ecclesia ad quam respiciunt immelioretur, dignum est ut eis assensum prebeamus. Idcirco Beto, misericordie Dei abbas de monasterio sanctorum Petri apostoli et Gorgonii martyris, quod situm est in pago Scarponinse, super fluvium Gorzie, una cum congregatione monachorum ibidem Deo militantium, res ad predictum cenobium respicientes, sub nomine prestationis Hildoino, nobili viro, concessimus, in pago Scarponinse, in villa que dicitur Horneius, mansum cum aliquis edificiis, et terris arabilibus, et pratis, vel quicquid pater suus Anselomus et mater sua Ercheisimna ibidem per prestariam acceperunt. Permittimus etiam quicquid in Walciaga fine, et in Druiciaga fine, et ad Leutrano villa, et Walahurias, pater ipsius et iam dicta mater per prestariam tenuerunt, tam terras arabiles quam etiam et prata et silvas. lnsuper etiam concedimus ei vineam unam in villa que dicitur Siago, quam avus eius Tancharius, et genitor Anselomus per prestariam tenuerunt. Et ipse dedit nobis, pro emelioratione ecclesiasticarom rerum, de terra arabili ancingam I, et pratum ad carradas II, et hoc ipsum ei concedimus. Ut vero huius renovationis precaria, quam ei in tempore vite sue concedimus obtinendam, firmior permaneat, manus nostre subscriptione firmare censuimus et manibus fratrum nostrorum. Et convenit in censo annis singulis, ad festivitatem sancti Gorgonii, quod est V idus septembris, denarios de argento LX; nam de ipso censu, si tardus aut negligens apparuerit, cum lege restituat et ipsam precariam non perdat. Facta prestaria anno primo Bettonis abbatis, indictione XI, regnante Lothario, serenissimo rege, anno ab incarnatione Domini quo supra. Betto hoc prestarie beneficium consensi. Signum Atalni decani subscripsi. S. Ragenarius prepositus subscripsi. Sig. Robertus monachus. †Erlebaldi monachi. Signum Fredoni monachi. †Adelradi monachi. †Nodovet monachus. †Fulquini monachi. †Audrico monachus. †Bovon levita. †Bodini monachi. †Bebboni monachi. †Agiloni monachi. Signum Ludovini monachi; Waltarii monachi. †Winemanni monachi. †Bertulfi monachi et diaconi subscripsi. Signum Audulfi monachi. †Signum Riebodi monachi. †Berichoni monachi. †Nicheri monachi. Ego Hildigarus, humilis monachus, scripsi et