Urkundenbuch des Klosters Fulda; Teil: Bd. 1., (Die Zeit der Äbte Sturmi und Baugulf) (Ed. Stengel) Nr. 202
Datierung: [776-796 (789/94?)] 03 10
In Christi nomine. Ego itaque ultimus exiguusque dei servorum famulus Matto, sed et ego nuncius fidelis Othelm diligenter devotus in elimosinam Iulianae dei famulae et abbatissae pro remedio animae suae, sicut ipsa mihi manu potestativa ex iure proprietatis suae in Wangheimero marcu tradiderat, similiter et ego Matto in supradicto loco, ubi supradicta Iuliana soror mea totum et integrum sancto Bonifatio per manum Othelmes tradiderat, ita et ego in villa eadem portione et ex illa quantitate, quantum mihi ibidem ad iacet proprietatis, sicut aliis testibus perpluribus cognitum est, ita et ego Matto supradicto loco in elimosinam meam et fratris mei Megingozes et eorum, quibus debitor sum, sicut et illa supradicta Iuliana soror mea per manum supradicti Othelmes, sic trado, quicquid ad meam pertinet proprietatem, totum et integrum, sic et ille Othelm, nos simul trademus, sicut supra dictum est, in Wangheimero marcu, id est illam ecclesiam et monasteriolum constructum cum illis sanctorum reliquiis et cum omni proprietate, id est tam terris, silvis, campis, pratis, pascuis, aquis aquarumque decursibus, aedificiis, domibus, arialis, coloniis, qualiter et quomodo haeredatum a parentibus et a nobis elaboratum aut exquisitum sit, peculiari utriusque sexu, mobilibus et inmobilibus, quicquid dici aut nominari queat, et haec mancipia, quorum haec sunt nomina: Walaho, Wahho, Liobgund, Buobila, Helidgund, Liutman, Frahamuat, Theotniwi, Hruadperaht, Fruma, Richolf, Prahtwar, Theotmuot, Altger, Snelburg, Meginhilt, Irminburg, Hiltigund, Theotmar, Trebo, Wintarhilt, Aso, Oto, Wolfgund, Hruadhilt, Adalalt, Adalolf, Appo, Lubarizzafiu, Manno, Mahtgund, Horscolf, Nefawin, Liutgart, Hiltigart, Othilt, Asolf, Lantger, Reginhilt, Willithrud, Perahtswind, Thiha, Willihilt, Helidulf, Rihgund, Ellengund, Wigolf, Alahwin, Pilimuot, Werdolf, Snello, Snelhart, Eggeolt, Aba, Luduip, Hruadulp, Gozperaht, Thiholf, Adalger, Wiglind, Eburhart, Helmolf, haec mancipia cum omnibus adiacentiis et supellectilibus suis totum et integrum a die praesente sic volumus esse traditum atque firmatum in elimosinam illorum suprascriptorum, ea scilicet ratione ut hanc rem ab ulla persona nostrorum cohaeredum incontradictam et inexquisitam vos et posteri vestri habere, frui perenniter firmissimam habeatis potestatem, culmo conexam vobis ad vestiendum et ad induendum et ad roborandum. Actum in monasterio Fulda die X. mensis martii. Ego Asger rogatus scripsi et testes firmavi. † Signum Matten. signum etiam Othelmes, qui hanc traditionis kartulam fieri rogaverunt. † signum Frehholfes. † signum Hludumares. † signum Germen. † signum Ratgeiles. † signum Erben. † signum Purghartes. † signum Reginheres. † signum Widaroltes. † signum Reginperahtes. † signum Gerhartes. † Ratheres. † Wolfleibes. † Witmares. † signum Erphes.