Urkundenbuch des Klosters Fulda; Teil: Bd. 1., (Die Zeit der Äbte Sturmi und Baugulf) (Ed. Stengel) Nr. 62
Datierung: [773 01]
a) (Rekonstruktion)
Carolus a gratia dei rex Francorum vir inluster. Cum nos in dei nomine Longlario villa una cum optimatibus vel pontificibus seu et inlustribus viris ducibus, comitibus caeterisque fidelibus nostris ad universorum causas audiendas rectaque iudicia terminanda resederemus ibique veniens vir venerabilis Sturmio abba de monasterio Fulda, ubi sanctus Bonefacius martyr in corpore requiescit, homine aliquo nomine Dagaleicho interpellabat, repetebat ei eo quod illas res in loco, qui dicitur Autmundisstat quem domnus et genitor noster Pippinus per suum praeceptum ad monasterium sancti Bonefacii condonaverat, una cum adiacentiis … post se malo ordine retinebat iniuste. Sed ipse Dagaleih presens astabat et hanc causam nullatenus potuit denegare nec nulla iusta potuit tradere ratione, per quid ipsas res habere potuisset et tunc in presenti a nostra vel procerum nostrorum ipsas res per suum uuadium una cum legibus fide facta ipsi Sturmi abbati visus fuit reddidisse vel revestisse et pro sua festuca se exinde in omnibus dixisse exitum. Proinde nos taliter una cum fidelibus nostris id est - - - et - comite palatio nostro vel reliquis quam pluris visi fuemus iudicasse, ut dum ipse Dagaleih presens astabat et hanc causam nullatenus potuit denegare nec nulla iusta tradere ratione, per quid ipsas res habere potuisset, sed de presenti per suum uuadium una cum legibus fide facta ipsi Sturmi abbati visus fuit reddidisse vel revestisse et pro sua festuca se exinde in omnibus dixisse exitum. Propterea iubemus, ut dum hac causa sic acta vel perpetrata esse cognovimus, memoratus Sturmi abba ad parte sancti Bonefacii iam dictas res in loco, qui dicitur Antmundisstat, una cum suis apendiciis contra supra dictum Dagaleichum eiusque heredes vel contra omnes illas res iniuste retinere temptantes omni tempore habeat evindicatas atque elidigatas et sit inter ipsis in postmodum ex hac re absque ulla repetitione Dagaleichi omni tempore subita causatio. Theudegarius recognovit et subscripsit. Datum - - - anno quinto regni nostri - -.